حذرونى للشاعر عبدالهادى الشعراوى
حذرونى م الكتابه
قلت لا باعلى صوت
الكتابه هى سيفى
حتى لو فرضو السكوت
والكتابه ياعم بابا
لما تخرج م القلوب
تبقى محسوسه وصادقه
باقيه لا يمكن تموت
ليه تخافوا م الكتابه
ليه نعيش جوه التابوت
مش هبطل يوم كتابه
طول مافيش مايه وقوت
احنا عشنا سنين غلابه
السجون كانت بيوت
واحنا اقلام الحقيقه
م المغاربه لحضر موت
ياما ثورنا فى الشوارع
ضد حكم العنكبوت
رغم ضعفه وضعف خيطه
كان بيكره اى صوت
كان بيصرخ اخرسوهم
امسكوهم احبسوهم
خلو اصواتهم تموت
فجأه نادى الفيس غلينا
صفحتى ملهاش حدود
اكتبو خلو الحروف
تبنى ثوره للخلود
دا انتو اقلام الحقيقه
صوتكو اقوى من البارود
ارفعوا يللا المشاعل
كسروا كل القيود
احلمو دا الحلم طارح
بكره جاى مالوش حدود
مش هبطل فيه كتابه
مهما قال العنكبوت
مهما شكل من حواجز
مهما قام من سدود
برده هكتب كل يوم
مش هخاف سجن موت
برده هكتب كل يوم
ضد اى عنكبوت
21\7\2012
للشاعر عبدالهادى الشعراوى 
نشرت فى 5 سبتمبر 2012
بواسطة elshaarwy
الشاعر عبدالهادى حامد محمد الشعراوى
عضو اتحاد المثقفين العرب / عضو المركز الاعلامى العربى / عضو الاتحاد العالمى للشعراء والمبدعين العرب /عضو لجنة تقيم الشعر العامى بشعبة المبدعين العر / امين مساعد امانة شعر العامية بشعبة المبدعين العرب / امين مساعد شعبة المبدعين العرب فرع لبنان /عضو رابطة الزجالين وكتاب الاغانى / عضو جمعية الادباء »
أقسام الموقع
ابحث
تسجيل الدخول
عدد زيارات الموقع
8,165
ساحة النقاش