نا مش هتغرب تانى
ولا هبعد عن اوطانى
انا اكلها بدقه واعيش
بين اهلى وخلانى
لا كفيل يتحكم فيه
ولاصوته يعلى عليه
ولا ظلم تشوفه عيونى
واسكت والم ايديه
فى الغربه انا شفت مآسى
مرارتها فى قلبى وكاسى
خلتنى امسك قامى
واكتب واملى كراريسى
كان نفسى تشوفوا سفيرنا
يوم رحت امد ايديه
اشكيله الظلم واقوله
والله ما رد عيه
كان ممكن اكون كداب
وحرامى وزانى واعيش
لكن اعمل ايه فى ضمير
جوايا بدون ورنيش
حبيت اللقمة حلال
علشانها تركت جبال
من كل نعيم الدنيا
علشان ارتاح البال
سامحينى يامصر ياغالية
يا ام المآزن العاليه
انا مش هتغرب تانى
ولا هبعد عنك ثاني
ساحة النقاش