شوفتوا يا ناس القاضى حلاوة

باع ذمته بزيتون وحلاوة
راح واتعشى قام واتمشى
للمحكمة وكنس بمقشة
جاب الجردل رش الرشة
راح لمنصة وفرش الفرشة
لاقى عصافير موجودة فى العشة
طس الحكم بكل غباوة
شوفتوا يا ناس القاضى حلاوة
باع ذمته بزيتون وحلاوة
زار الكلبى عشان يتعشى
وطلب صحن عكاوى وفشة
غسل صحون البيت بالفرشة
أخد أوامر الكلبى العفشة
أى برئ حينشة النشة
والجانى ح يديله علاوة
شوفتوا يا ناس القاضى حلاوة
باع ذمته بزيتون وحلاوة
شوفتوا القاضى حلاوة القادر 
باع أخرته وبدنيته تاجر
فى المحكمة عمال بيعافر
علشان يحبس ميت متظاهر
مش عايزين فى الحكم عساكر
متحامل وواخدها عداوة
شوفتوا يا ناس القاضى حلاوة
باع ذمته بزيتون وحلاوة


المصدر: اشعار- جريدة احداث الساعة - قرأت لك للكاتب الصحفي أشرف بهاء الدين

التحميلات المرفقة

elmaystro2014

الموقع الرسمى لجريدة أحداث الساعة - رئيس التحرير: أشرف بهاء الدين

  • Currently 0/5 Stars.
  • 1 2 3 4 5
0 تصويتات / 253 مشاهدة
نشرت فى 17 نوفمبر 2016 بواسطة elmaystro2014

ساحة النقاش

ASHRAF BAHAAUDDIN

elmaystro2014
جريدة أحداث الساعة : الصوت الحر من الشعب و الى الشعب »

ابحث

تسجيل الدخول

عدد زيارات الموقع

201,742