الشاعر /اسماعيل شلبي
""""""""""" أخاف من الموت """""""""""
انا لو يوم جالى نزلة برد تلاقيني
اخاف من الموت
ولو مشيت على رجليا فى العتمة
اخاف من الموت
ولو كنت فى يوم نايم ورعد الرعد
أخاف من الصوت
وفيه ناس كتييير زيى و كمان اكتر
عايشه ف الملكوت
لكن لما الوباء جالنا وإتقلب حالنا
والخوف بدأ يموت
و مات الخوف جوانا والكل عاملى
فتوه ماسك نبوت
أسلحة العالم مع كورونا بدون لزمة
والبطل بقى كتكوت
بعضنا خد الأزمة وعالجها باستهتار
وقال ياعم ها تفوت
وبنكسر الحظر عادى وكمان زيارات
لبعضنا فى البيوت
والسوق طول النهار زحمة و بلا رحمه
وكل همنا ع القوت
صدقنى يا اخويا إعصار كورونا ماعدش
تحت السيطرة
بلاش وقفة فى الشوارع وبلاش السهر
وبلاش منها المنظرة
عشان خاطر حبايبك اللمة دى بلاشها
ونعدى فترة قصيرة
بدل ماتبقى الناس جثثهم فى الشوارع
ف كل حته منطورة
ولو كان كلامى مش عاجب سيادتك
ارجوا منك المعذرة
""""""""""""""" مع تحياتى """""""""""""""""
الشاعر / إسماعيل شلبى

 

المصدر: الشاعر: اسماعيل شلبي
elmaystro2014

الموقع الرسمى لجريدة أحداث الساعة - رئيس التحرير: أشرف بهاء الدين

  • Currently 0/5 Stars.
  • 1 2 3 4 5
0 تصويتات / 53 مشاهدة

ساحة النقاش

ASHRAF BAHAAUDDIN

elmaystro2014
جريدة أحداث الساعة : الصوت الحر من الشعب و الى الشعب »

ابحث

تسجيل الدخول

عدد زيارات الموقع

83,915