جريدة شباب مصر20/6/2013
حالف يا مصر يا وطن غالى
لأخلى اسمك فى العلالى
حالف يا مصر يا أبية
ما يحكمك ناس غبية
حالف يا مصر يا ام الخضار يا أم العمار
ما اسيب على عرشك خايب حمار
حالف يا مصر يا أم الفخار
ما اسمح بسد يكون لك دمار
حالف يا مصر يا أم النهار
ما يتطاول عليك الصغار
حالف يا مصر يا أم الخلود
ما حد يهينك ولا يخطى الحدود
حالف يا مصر يا أم توب ابيض نضيف
ما يقرب منك جاهل سخيف
حالف يا مصر يا قوية
ما يدنسك عيال مشعل أوهنية
حالف يا مصر يا حضارة
لتفضلى للدنيا علم ومنارة
حالف يا مصر يا أم السما صافية
ما يتحكم فى شعبك جماعة غافلة
حالف يا مصر يا أرض الأنبيا
ما أذلك بجهل الأشقيا
حالف يا مصر
لمن وسط العتمة أجيب فجرك
حالف يا مصر
لمن وسط الحزن أجيب سعدك
حالف يا مصر
لمن وسط الفقر أجيب عزك
حالف يا مصر
لمن وسط النار أجيب بردك
حالف يا مصر
لدمي يسيل على ارضك
حالف يا مصر
ما يكون كلب سبب قهرك
حالف يا مصر
لأحمى من كل سوء نهرك
حالف يا مصر
لأكون و ولادى ليك فخرك
حالف يا مصر
لأكون لك سند أكون ضهرك
حالف يا مصر
ما حد فى الدنيا يدوس عرضك
ساحة النقاش