عجبي على ابن البلد لما يتهان فيها ،وييجى الغريب يشخط ويتحكم فيها ، قاعد ابن البلد كأنه هو الغريب
سألنا إيه السبب ؟ قالولنا  فاضي الجيب ومع انه هو الأصيل يتهان؟ دا مستحيل ...
والغريب علشان سلطة إن كان أو مال قاعد فيها كأنه أمير تجرى البهوات ورآه زى العبيد ، طيب أنا إيه هحكى أو أقول أو أتكلم  أنا ليكم بعيد ...
بقولك انت ياصاحب السلطة وانت يا صاحب المال حاسب ده لله الكمال ، تشوف الأصيل  محروم ،وفى همه يبات ويقوم والآخر عليه نلوم ولو اتكلم في الأسعار والعيشة اللي مرار يقلوله أحسن صوم مهه كده كده صايم صاحي إن كان أو نايم 
وننقل للطرف التانى : الطرف اللي مش بيعاني ولا بتهمه الأسعار ظالم شرير جبار يظلم ده ويدوس على ده يرحم ويعدى بالفلوس اخص على ده زمن منحوس  تلاقى وسايط ومحسوبية وناس   وناس بترشى بالألف والمية  مهه المرتشى فى الأول كان غلبان علشان بييجى من بلده جعان ولما يروّح كرشه بيكون مليان (فيه حكام عندها ضماير ليه متبقاش منهم غاير ، خاف من جهنم لتروحلها طاير ) خدها منى نصيحة في  كلمة مختصرة وصريحة  أحسن نهايتك تبقى فضيحة  وعجبي      كتب / طاهرالحسانى