لولا قربك من عيونى

لاولا طيفك لو تكونى

لسه دايبه جوه خيط

والخيوط متشبكة

لو تهون الروح تهونى

*********
اللى خانقك هو بعدى

وانشغالىويا طيفك

لو قدرتى الصبر بعدى

يبقى عشقى مش بكيفك

*************

هاتى خمر العشق حطى

وامشى دايما جوه خطى

لو فى مرة شفتى غلطة

فوق لهيب الهم خطى

**************

دفنت خوفى جوا شوقك

والقمر طفاه شروقك

لو تطلى جوا منى

تلقى قلبى جوه توبك

*****************

ليلة بارده وقلبى والع

والقمر ساكت وطالع

نجمة واقفة بتتدارينا

خبت الوش اللى لامع

*************

كلمة الحب اللى انا

كنت مداريها

دلوقت شايفك حرفها

ولا حاجة فيها

انت اللى منك اسمها

وانت المعانى الساكنة فيها

**************
الغروب مش شمس رايحة

مغربة

الغروب ضحكايه ليه مستهربة

اوعى تمشى من خدودك

خلى ايدك جوا حضنى

مقربة

*************

شايفة نورك قد ايه جوا الليالى

شايفة ضلك خلا شمسى

مكسوفالى

انت جوا البرد لفة

قلبى يعمل احلى زفة

لو بحبك .......قلتيهالى