جارى التحميل
استخدم زر ESC أو رجوع للعودة
ززززجل
***********
حكيم وقال
الحكمة جوا الفوضى
مش لاقية دفا
والعقل تايه والقلوب
متشحتفة
طيب سؤالنا
يكون لمين
لما الحكيم
قاعد حزين
راعش ايدين
والحكمة فيه متخوفة
قال اسألوا
واحد شجاع
يمكن تكون الشجعنة
قد الكلام
وسط اللآم
يمكن تلاقوا الجدعنة
جوا النفوس متمكنة
ولا تلقى ريم
فوق العيون
ولا الذمم متعطنة
قال الشجاع
راحت خلاص
ولا عادش زمن الفرسنة
تلقى اللى فاهم
فى البلد
اما العبيط
او من زمن غير الزمن
جابوا العبيط
سألوه وقالوا يا عمنا
ايه العبارة قول لنا
نسمع ونسكت كلنا
ولا انت عامل زيهم
قال جيتوا للى يدلكم
الحكمة ساكنة فى وسطكم
بس انتوا يمكن
ما تشوفوش
غمامة غطت وشكم
الحكمة من جوا الجدار
تلقاه فى دار من الف دار
عند الجدار واقفين كتير
تلقى سلوك متشبكة
فيها ابر متشكشكة
وكم حديدة مشوكة
تلقى صدور متصفحة
وناس هربانة مروحة
ودمعة ساكنة فى الخلا
مش لاقية دار
هتلاقى واحد من زمن
قاعد بيرسم فى الصور
جوه الصور تلقى العبر
تلقى القفاص متوششة
وغيرة والعة مشوشة
وضحكة غايبة للعشا
سايبة النهار من غير خشى
مليان مرار
سلطان فى عز العنفوان
طالعاله قورة مكرمشة
مهزوز وساب الصولجان
دبابير فى عرشه معششة
تلقى القطط متعورة
من الفيران متخربشة
يعدى صعلوك الفيران
تقف القطط
تعظيم سلام
عينى على ملك القطط
ماهوش ملاحق
كلاب ما تشبع هبهبة
وقعة ولاده مهببة
فى الجحر خايف يندفن
فوق الشجر حداية ناصبه له الكفن
احسن له يرضى بالقسم
هو اللى ساب الطبطبة
راح انغرس جوا العفن
كان فاكر انه فى الخلا
يبقى اسد واقف برم
كانت نهاية كدبته
وعاملى كان ابو الكرم
بانت حقيقة غلطته
صحنه من الجوع انخرم
قبل ما تنزل دمعته
وسط الفيران داب انفرم
*****************
