يا دنيا مالك والعوج طبعك

مجروح وجرحى حتة من غدرك

رصيف طريقك زينيه بالشوك

والدم جوا فى السلوك مشبوك

والقلب لازق فى طريق مدعوك

خسران من اللى فى حبها مملوك

عمالة تكسر شمعتى ف ايدى

وتطفى قلبى باللهيب والكور

قطعتى جسمى ييجى كم حتة

وجبرتى خاطرى وانت بره السور

فاكرة ان سجنى فيكى قصر ملوك

خفى على واحبسى غلك

مش قد ذرة م اللى جواكى

عايش خلاص راضى انا بذلك

شايفك شيطان والشر يملاكى

هكتم فى حلمى واحيا بيه صعلوك