يارب شايف وانت زيك شوف

القلب شايل جوه شوق مكسوف

بيدق دقه غايبة عنى زمان

من كتر خوفه راح يموت م الخوف

يمكن تداوى جرحك اللى كان

او يمكن انت لسه ليه مخطوف

أو لسه حلمك فى البدايه خلاص

جرب وابعد راح تدور ملهوف

الحب ريس واحنا كل الناس

الامر امره واللسان مكتوف

يمنحنا نشوة تيجى ليلة عيد

والصبح ياخد قد منه الوف

هدخل واسلم نفسى للقسمة

مجنون يا بحر الغطس فيك محفوف

بين لولى يلمع فى شعاع النور

او ضلمة تدخل فى القلوب وتلوف