بقلمى سناء أبو طبل

أحلام مدفونه
أنا البنت اللى ماتت
من قبل ما تتولد
أحلامها كانت كتير
وبتلمس السما
لكن في غمضة عين
أول أحلامها طارت
******
لكن البنت صلبه
وأصلب من الحديد
رفضت دموعها تنزل
قالت أحلامي كتير
ماكنتش تعرف أبدا
إن فى يوم حلمها
سبب كسر قلبها
خافت تظهر ضعفها
حتى أمام نفسها
*******
وقلبها الجميل
أتلون بلون غريب
وخلاص نسيت نفسها
وعاشت باقى عمرها
بس للجميع
تيجي تضحك عيونها
تخونها بدمعتين
ولا إيد فى يوم مسحتها
دمعها
*************
لحد مايوم إتحقق
من تاني حلم جديد
قلب كل الموازين
وجات معاه ضحكة
داوت جرح السنين
بس ياخسارة الضحكة
مادمتش عليها كتير
*********
كبرت البنت وكبرت
ولا حلم لها إتحقق
ولاضحكة دامت
أكتر من ثانيتين
لكن البنت عنيده
ولسه أحلامها
فوق السحاب بتطير
‫#‏سناء‬-أبوطبل
2016/5/25