ﻗﺼﺺ ﺗﺼﻠﺢ ﺃﻥ ﺗﻘﺮﺃﻫﺎ ﺃﻛﺜﺮ ﻣﻦ ﻣﺮﺓ ﻧﺎﺱ ﺍﻟﻤﺮﻳﺦ ﻣﻔﺮﻭﺽ ﻳﺸﻴﻠﻮﺍ ﻣﻨﻬﻢ ﺷﺮﺍﺋﺢ ﺯﻳﻦ ﻭﺳﻮﺩﺍﻧﻲ ﻭﺍﻡ ﺗﻲ ﺍﻥ … ﻭﻳﺪﻭﻫﻢ ﺷﺮﺍﺋﺢ ‏( ﺟﺰﺍﺋﺮﻳﺔ ‏) ﺻﺪﻳﻖ ﻋﻠﻲ ﺻﺎﻟﺢ ﺣﺴﺐ ‏( ﻛﻮﺭﺗﻮ ‏) ﺍﻟﺸﺎﻳﻔﻨﻬﺎ ﻟﻴﻪ ﺑﻜﻮﻥ ﻓﺎﻛﺮ ﺍﻟﺠﺰﺍﺋﺮ ﺩﻱ ﺩﻭﻟﺔ ‏(ﺃﻭﺭﺑﻴﺔ ‏) .. ﻋﺸﺎﻥ ﻛﺪﺍ ﻗﺎﻝ ﺍﻟﻤﺮﻳﺦ ﺑﻴﻠﻌﺐ ﻓﻲ ﺩﻭﺭﻱ ﺃﺑﻄﺎﻝ ﺃﻭﺭﺑﺎ ﻋﺸﺎﻥ ﻳﺼﻠﺤﻮﺍ ﺍﻟﻤﻮﺿﻮﻉ ﺷﻮﻳﺔ …ﻗﺎﻟﻮﺍ ﺗﺮﺍﻭﺭﻱ ﻋﻤﻞ ﻟﻴﻪ ﻣﺆﺗﻤﺮ ﺻﺤﻔﻲ … ﺗﻘﻮﻝ ﺣﺮﺭ ﻫﺠﻠﻴﺞ ﻳﺎ ﺍﻟﻜﺎﺭﺩﻳﻨﺎﻝ ﺍﻟﺒﺮﺍﺯﻳﻠﻲ ﺩﺍ ﻟﻮ ﻗﻌﺪ ﻓﻲ ﺍﻟﺴﺨﺎﻧﺔ ﺩﻱ ..ﺯﻭﺟﺘﻮ ﻣﺎ ﺃﻇﻦ ﺗﻘﻌﺪ .. ﻋﺸﺎﻥ ﻛﺪﺍ ﺍﺣﺴﻤﻮﺍ ﺗﺴﺠﻴﻠﻮﺍ ﻣﻦ ﺑﺪﺭﻱ ﺍﻟﻤﺴﺎﺀ ﺍﻟﺬﻱ ﻳﺸﺒﻪ ﺍﻟﻠﺒﻦ ‏( ﺍﻟﺮﺍﻳﺐ ‏( . ﺍﻟﺰﺑﺎﺩﻱ ﺑﻲ ﻓﻬﻢ ﻧﺎﺱ ﺍﻟﺨﺮﻃﻮﻡ – ﺗﺘﻌﻄﻞ ﻓﻴﻬﺎ ‏( 15 ‏) ﺣﺎﺳﺔ . ﻏﻴﺮ ‏( ﺷﺎﻱ ﺍﻟﻠﺒﻦ ‏( . ﺣﺘﻰ ﺇﺫﺍ ﺟﺎﺀ ﺍﻟﺼﺒﺎﺡ ﺑﻌﺪ ‏( ﻃﻼﻉ ﺭﻭﺡ ‏) ﺍﻛﺘﺸﻔﺖ ﺃﻥ ﺍﻟﻤﺴﺎﺀ ‏(ﺍﻟﺮﺍﻳﺐ ‏) ﻭﺍﻟﺰﺑﺎﺩﻱ ‏( ﺍﻟﻌﻠﻴﻞ ‏) – ﻣﺎ ﻋﻨﺪﻭ ﺃﻱ ﻋﻼﻗﺔ ﺑﻬﺬﺍ ﺍﻟﻤﺴﺎﺀ ﺍﻟﺬﻱ ﻧﻜﺘﺐ ﻋﻨﻪ ﺍﻵﻥ . ﺍﻟﺬﻱ ﺃﻋﺮﻓﻪ ﺃﻥ ‏( ﺍﻟﻤﺴﺎﺀ ‏) ﻋﻨﺪﻣﺎ ﻳﻜﻮﻥ ‏( ﺛﻘﻴﻼً ‏) ﻳﺒﻘﻰ ﻣﺘﻞ ‏( ﻧﺺ ﺍﻟﻨﻬﺎﺭ ‏) ﺍﻟﻜﻬﺮﺑﺘﻮ ﻗﺎﻃﻌﺔ . ﻭﺍﻟﻨﺎﺱ ﺑﺘﺪﺧﻞ ﻭﺗﻄﻠﻊ ﻣﻦ ﻏﻴﺮ ﻣﻮﺿﻮﻉ . ﻣﻨﻮ ﺍﻟﻌﻨﺪﻭ ‏( ﻣﻼﻣﺢ ‏) ﺯﻋﻼﻧﺔ ﻣﻨﻮ؟ . ﺣﺮﺩﺍﻧﺔ .. ﻭﻭﺍﻗﻔﺔ ﻋﻠﻰ ﺃﻃﺮﺍﻑ ﺍﻷﺻﺎﺑﻊ . ..……… ﻧﺤﻦ ﻋﻨﺪﻧﺎ ﺃﻏﺮﺏ ﺣﺎﻟﺔ . ﻃﻴﺎﺭﺍﺗﻨﺎ ﺑﺘﻘﻊ .. ﻭﺷﻴﻜﺎﺗﻨﺎ ﺑﺘﻄﻴﺮ . ﺍﻗﻠﺒﻮﺍ ﺍﻟﺼﻮﺭﺓ . ………… ﺑﻌﺾ ﺍﻟﻜﺘﺎﺑﺎﺕ ﺗﺒﻘﻰ ﻣﺜﻞ ‏( ﺃﻡ ﻓﺘﻔﺖ ‏) ﺗﺤﺘﺎﺝ ﺇﻟﻰ ﺃﻥ ﺗﻐﺴﻠﻬﺎ ﻋﺸﺮ ﻣﺮﺍﺕ ﺣﺘﻰ ﺗﻘﺮﺏ ﻣﻨﻬﺎ . ﻣﺎ ﻋﻨﺪﻧﺎ ﻗﻀﻴﺔ ﻣﻊ ‏( ﺃﻡ ﻓﺘﻔﺖ ‏) . ﻻ ﺃﻡ ﻓﺘﻔﺖ ﻭﻻ ﻳﺤﺰﻧﻮﻥ . ﺍﻟﺪﺧﻞ ﺍﻟﺤﺰﻥ ﻣﻊ ‏( ﺃﻡ ﻓﺘﻔﺖ ‏) ﺷﻨﻮ؟ . ﻟﻮ ﻣﺎ ﻗﺎﻧﻮﻥ ﺍﻟﺤﺮﻛﺔ ﻓﻴﻬﺎ ﺣﺎﺟﺎﺕ ﻏﺮﻳﺒﺔ . ﻻ ‏( ﺃﻡ ﻓﺘﻔﺖ ‏) ﻭﻻ ﻏﻴﺮﻫﺎ . ﻟﻜﻦ ﻗﻀﻴﺘﻨﺎ ﻣﻊ ‏( ﺍﻟﻜﺘﺎﺑﺎﺕ ‏) ﺍﻟﺘﻰ ﺗﺸﺒﻪ ‏( ﺃﻡ ﻓﺘﻔﺖ ‏) . ﺍﻟﻴﻮﻡ ﻧﻜﺘﺐ ﺑﻤﺜﻞ ‏( ﺍﻟﻄﻌﻢ ‏) . ﻧﻐﺴﻞ ﺍﻟﺤﺮﻭﻑ ﻋﺸﺮﻳﻦ ﻣﺮﺓ ﻟﺘﺨﺮﺝ ﻣﻦ ﺣﺎﻟﺔ ‏( ﺍﻟﺨﻤﻮﻝ ‏) ﺍﻟﺘﻰ ﺗﺒﻘﻰ ﻓﻴﻬﺎ ‏( ﺣﺒﻴﺴﺔ ‏) . ﺍﺣﺒﺴﻮﺍ ﺣﺮﻑ ‏(ﺍﻟﺴﻴﻦ ‏) … ﺣﺮﻑ ‏( ﺍﻟﻤﻴﻢ ‏) ﺑﺮﻓﻊ ﻓﻴﻜﻢ ﻋﺮﻳﻀﺔ . ﺩﺍ ﻟﻮ ﻣﺎ ﻃﻠﻌﺖ ‏(ﺍﻟﻌﻴﻦ ‏) ﺑﺮﻩ ﻓﻲ ﺍﻟﺸﺎﺭﻉ . ..……… ﻗﺮﻳﺒﺎً ﻣﻦ ﻫﺬﻩ ﺍﻟﺤﺎﻟﺔ . ﺑﺮﺝ ﺣﻤﺎﻡ ﻓﻴﻪ ﻋﺸﺮﻳﻦ ﺟﻮﺯ ﺣﻤﺎﻡ . ‏( 40 ‏) ﺣﻤﺎﻣﺔ ﻋﺪﻳﻞ ﻛﺪﺍ . ﻏﻴﺮ ‏( ﺍﻟﺘﺮﺟﻲ ‏) ﻭﻋﺰﺍﻡ ﻭﻛﺎﺑﻮﺳﻜﻮﺭﺏ ﻟﺒﺮﺝ ﺍﻟﺤﻤﺎﻡ ﻫﺬﺍ ﺗﺪﺧﻞ ‏( ﻛﺪﻳﺴﺔ ‏) ﻳﻮﻣﻴﺎً ﻭﺗﺸﻴﻞ ﻟﻴﻬﺎ ‏( ﻓﺮﺩﺓ ‏) ﻭﺗﻄﻠﻊ . ﻭﺗﺪﺧﻞ ‏( ﺍﻟﻤﺤﻠﻴﺔ ‏) ﻭﺗﺸﻴﻞ ﻟﻴﻬﺎ ﻳﻮﻣﻴﺎً ‏( ﺟﻮﺯ ﺣﻤﺎﻡ ‏) . ﻛﻢ ﺣﻤﺎﻣﺔ ﺗﺘﺒﻘﻰ ﻓﻲ ﺫﻟﻚ ﺍﻟﺒﺮﺝ ﺑﻌﺪ ‏( 11 ‏) ﻳﻮﻡ . ﺃﺣﺴﺐ ﺍﻟﺤﻤﺎﻡ ﺍﻟﺪﺧﻞ ‏( ﺍﻟﻤﺠﻤﻮﻋﺎﺕ ‏) . .………… ﺍﻧﺘﻈﺮﻫﺎ ﻃﻮﻳﻼً – ﻋﻠﻰ ﺣﺎﻓﺔ ﺍﻟﺸﺎﺭﻉ . ﻟﻤﻦ ﺟﻠﺤﺎﺗﻮ ﻃﻠﻌﺖ . ﻭﺟﺎﺗﻮ ﺻﻠﻌﺔ . ﻭﺫﺍﻛﺮﺗﻮ ﺿﻌﻔﺖ . ﻭﺑﻘﻰ ﻳﺘﻜﻠﻢ ﺳﺎﻛﺖ . ﺑﻌﺪ ﺃﻥ ﻃﺎﻝ ﻋﻠﻴﻪ ﺍﻻﻧﺘﻈﺎﺭ .. ﻓﺘﺢ ﺍﻟﺴﺎﻋﺔ ﻭﺟﺪﻉ ‏( ﺣﺠﺮﻫﺎ ‏) ﻋﺸﺎﻥ ﻣﺎ ﻳﺤﺲ ﺑﺄﻧﻬﺎ ﺍﺗﺄﺧﺮﺕ ﺷﺪﻳﺪ . ﻭﺿﻤﻴﺮﻩ ﻳﻘﻮﻡ ﻳﻮﺟﻌﻮ . ..……… ﻗﺎﻝ ﻟﻴﻪ … ﻭﻫﻮ ﻋﺎﻣﻞ ﻓﻴﻬﺎ ﻣﻔﻜﺮ . ﺃﻭ ﻫﻜﺬﺍ ﻛﺎﻥ ﻳﺒﺪﻭ ﻓﻲ ﺍﻟﺤﻠﺔ . ﻗﺎﻝ ﻟﻴﻪ : ﻟﻮ ﻟﻘﻴﺖ ﻟﻴﻚ ﺧﺰﻳﻨﺔ ﻓﻴﻬﺎ 20 ﻣﻠﻴﺎﺭ ﺟﻨﻴﻪ ﻭﻗﺪﺍﻣﻬﺎ ﻛﻠﺐ ﺳﻌﺮﺍﻥ ﺗﻌﻤﻞ ﺷﻨﻮ؟ . ﻗﺎﻝ ﻟﻴﻪ : ﺃﻗﺴﻢ ﻣﻊ ﺍﻟﻜﻠﺐ .. ﻫﻮ ﻋﺸﺮﺓ ﻭﺃﻧﺎ ﻋﺸﺮﺓ . ﻓﻲ ﻧﺎﺱ ﺑﺤﺴﺒﻮﻫﺎ ﻛﺪﺍ ﻓﻲ ﺍﻟﺴﺨﺎﻧﺔ ﺩﻱ . …………………… ﺍﺗﻘﺪﻡ ﻟﻴﻬﺎ ﻋﺸﺮﻳﻦ ﻣﺮﺓ . ﻓﻲ ﻛﻞ ﻣﺮﺓ ﻛﺎﻧﻮﺍ ﺑﺮﻓﻀﻮﻩ . ﺃﻭﻝ ﻣﺮﺓ …ﻣﺸﻰ ﻣﻌﺎﻩ ﺟﺪﻭ . ﺍﻟﻤﺮﺓ ﺍﻟﺘﺎﻧﻴﺔ .. ﺳﺎﻕ ﻣﻌﺎﻫﻮ ﺃﺑﻮﻩ . ﺍﻟﻤﺮﺓ ﺍﻟﺮﺍﺑﻌﺔ ﺳﺎﻕ ﻣﻌﺎﻫﻮ ﺃﺧﻮﻩ . ﺍﻟﻤﺮﺓ ﺍﻟﻌﺎﺷﺮﺓ ﺳﺎﻕ ﻣﻌﺎﻫﻮ ﻭﻟﺪﻭ . ﺁﺧﺮ ﻣﺮﺓ ﺳﺎﻕ ﻣﻌﺎﻫﻮ ﺃﺭﺑﻌﺔ ﻣﻦ ﺃﺣﻔﺎﺩﻩ . ﺍﻟﺠﻤﻴﻞ ﺃﻧﻬﺎ ﻗﺎﻟﺖ ﻟﻴﻪ – ﻣﺎﻟﻚ ﻣﺴﺘﻌﺠﻞ ﻛﺪﺍ .. ﺧﻠﻲ ﺃﺣﻔﺎﺩﻙ ﺩﻳﻞ ﻳﻜﺒﺮﻭﺍ ﺷﻮﻳﺔ . ﻫﻮ ﺑﺮﺿﻮ ﻣﺎ ﻗﻨﻌﺎﻥ . …………… ﻟﻮ ﻋﺎﻭﺯ ﺩﻣﻚ ﻳﺒﻘﻰ ﺑﺎﺭﺩ . ﻭﺟﻠﺪﻙ ﻳﺒﻘﻰ ﺗﺨﻴﻦ . ﻭﻣﺎ ﺑﺘﺤﺲ ﺑﻲ ﺃﻱ ﺷﻲﺀ . ﺷﺠﻊ ﺍﻟﻤﺮﻳﺦ ﺃﺭﺑﻌﺔ ﻳﻮﻡ .. ﻭﻣﺎ ﺗﺸﺮﺏ ﻗﻬﻮﺓ . ﻣﺎ ﺃﺷﺮﺏ ﻗﻬﻮﺓ ﻣﻤﻜﻦ … ﺃﺷﺠﻊ ﺍﻟﻤﺮﻳﺦ ﺩﺍ ﻛﻴﻒ؟ . ﻳﻤﻴﻦ ‏( 24 ‏) ﺛﺎﻧﻴﺔ ﻣﺎ ﺑﻘﺪﺭ ﻋﻠﻰ ﺍﻟﻌﻘﻮﺑﺔ ﺩﻱ . ﻭﻻ ﺑﻜﻀﺐ . ﻭﻻ ﺑﻨﺴﺘﺤﻤﻞ ﺍﻟﻜﻼﻡ ﺩﺍ . …………… ﺍﺷﺘﺮﻱ ﻟﻴﻚ ﺑﻄﻴﺨﺔ . ﻗﻄﻌﻬﺎ ﻋﻠﻰ ﺃﺭﺑﻌﺔ . ﺷﺮﻃﺎً ﻛﺪﺍ ﺗﻘﻄﻌﻬﺎ ﻋﻠﻰ ﺃﺭﺑﻌﺔ . ﻧﺎﺱ ﺍﻟﻤﺤﻠﻴﺔ ﺑﻴﺠﻮﻙ ﺑﻘﻮﻟﻮﺍ ﻟﻴﻚ ﺃﻧﺖ ﺷﻴﻞ ﺍﻟﻘﻄﻌﺔ ﺍﻟﺨﺎﻣﺴﺔ .. ﻭﺧﻠﻲ ﻟﻴﻨﺎ ﺍﻟﻘﻄﻊ ﺍﻷﺭﺑﻌﺔ . ﺑﺸﻴﻠﻮﺍ ﺍﻷﺭﺑﻌﺔ – ﺑﺘﻘﻌﺪ ﺗﻔﺘﺶ ﻓﻲ ﺍﻟﻘﻄﻌﺔ ﺍﻟﺨﺎﻣﺴﺔ . ﻣﺎ ﺗﺘﻌﺐ ﺷﺪﻳﺪ – ﻋﺸﺎﻥ ﺍﻟﻘﻄﻌﺔ ﺍﻟﺨﺎﻣﺴﺔ ﻟﻮ ﻇﻬﺮﺕ ﺑﺸﻴﻠﻮﻫﺎ ‏( ﺩﻣﻐﺔ ﺟﺮﻳﺢ ‏) . ..…………… ﻗﻌﺪﺕ ﺃﺣﻀﺮ ﺍﻟﻤﺒﺎﺭﺍﺓ ﻓﻲ ﺍﻟﺘﻠﻔﺰﻳﻮﻥ . ﻗﻠﺖ ﺃﺣﻮّﻝ ﺍﻟﻄﺒﻖ . ﺣﻮﻟﺖ ﺍﻟﻄﺒﻖ . ﺑﺪﻝ ﺍﻟﻤﺒﺎﺭﺍﺓ … ﺍﻟﻄﺒﻖ ﺟﺎﺏ ﻟﻲ ‏( ﺍﻟﺸﻴﺦ ﻭﺩ ﺣﻤﺪ ﻭﺍﻟﻄﻴﺐ ﻭﺩ ﻋﻴﺴﻰ ﻭﺍﻷﻣﻴﻦ ﻭﺩ ﺍﻟﺠﺰﻭﻟﻲ ﻭﺍﻟﺸﻔﻴﻊ ﻭﺩ ﺍﻟﺤﺴﻦ ﻭﺧﺎﻟﺪ ﻭﺩ ﺍﻟﻔﺎﺗﺢ ‏) ﺩﻳﻞ ﻛﻠﻬﻢ ﻗﺎﻟﻮﺍ ﻋﺎﻭﺯﻳﻦ ﻳﺤﻀﺮﻭﺍ ﻣﻌﺎﻱ ﺍﻟﻜﻮﺭﺓ . ﻏﻴﺮ ‏( ﺍﻟﻠﻮﺭﻱ ‏) ﺍﻟﻨﺎﺳﻮ ﺑﻴﺴﺄﻟﻮﺍ ﻣﻦ ﻭﺻﻒ ﺍﻟﺒﻴﺖ . ﻗﻠﺖ ﻟﻴﻬﻢ ﻟﻮ ﻋﺎﺭﻑ ‏( ﺍﻟﻄﺒﻖ ‏) ﺑﺠﻴﺐ ﻟﻲ ‏(ﺍﻟﺠﻤﻬﻮﺭ ‏) ﺩﺍ ﻛﻠﻮ ﻛﺎﻥ ﺩﺧﻠﺘﻬﺎ ﻓﻲ ﺍﻻﺳﺘﺎﺩ . ﺃﻭ ﻋﻠﻰ ﺍﻷﻗﻞ ﻛﺎﻥ ﺟﺒﺖ ﻟﻲ ‏( ﺗﺬﻛﺮﺟﻲ ‏) ﻭﻭﻗﻔﺘﻮ ﻗﺪﺍﻡ ﺍﻟﺒﻴﺖ . ……………… ﻗﺎﻝ ﻟﻴﻪ .. ﻋﺸﺮﻳﻦ ﺳﻨﺔ ﻗﺎﻋﺪ ﺍﻣﺘﺤﻦ ﻋﺸﺎﻥ ﺃﺩﺧﻞ ﻃﺐ . ﺻﺎﺣﺒﻮ ﻗﺎﻝ ﻟﻴﻪ : ﻭﺩﺧﻠﺖ ﻛﻠﻴﺔ ﺍﻟﻄﺐ ﻓﻲ ﺍﻟﻨﻬﺎﻳﺔ . ﺟﺎﻭﺏ ﻟﻴﻪ ﺑﻲ ﺛﻘﺔ ﺯﺍﻳﺪﺓ .. ﻭﻗﺎﻝ ﻟﻴﻪ ﺩﺧﻠﺖ ﻃﺐ .. ﻟﻜﻦ ﺍﻛﺘﺸﻔﺖ ﻓﻲ ﺍﻟﺴﻨﺔ ﺍﻟﺮﺍﺑﻌﺔ ﺃﻧﻲ ﺩﺧﻠﺖ ‏( ﺗﺠﺎﺭﺓ ‏) . ﻭﺍﺗﺨﺮﺟﺖ ﺷﻨﻮ؟ . ﻗﺎﻝ ﻟﻴﻪ : ﻭﺍﻟـﻠـﻪ ﻻ ﺃﻗﻮﻝ ﻟﻴﻚ ‏( ﺗﺎﺟﺮ ‏) ﻭﻻ ﺃﻗﻮﻝ ﻟﻴﻚ ‏( ﻃﺒﻴﺐ ‏) . ﺍﻟﺸﻬﺎﺩﺍﺕ ﺷﻬﺎﺩﺓ ﻃﺒﻴﺐ …ﻭﺍﻟﻌﻤﻞ ﻋﻤﻞ ﺗﺠﺎﺭ . ﺍﻟﺒﻴﺠﻴﻨﻲ ﻳﻘﻮﻝ ﻋﻨﺪﻭ ‏( ﻧﺰﻟﺔ ‏) ﺳﺎﻛﺖ ﺑﺸﻴﻞ ﻣﻨﻮ ‏( 200 ‏) ﺟﻨﻴﻪ . ..………… ﺍﻟﻤﺮﻳﺦ ﺡ ﻳﻠﻌﺐ ﻓﻲ ﻣﺠﻤﻮﻋﺔ ﻓﻴﻬﺎ ﺗﻼﺕ ﺃﻧﺪﻳﺔ ﺟﺰﺍﺋﺮﻳﺔ . ﻟﻴﻪ ﺣﻖ ﺻﺪﻳﻖ ﻋﻠﻲ ﺻﺎﻟﺢ ﻳﻘﻮﻝ ﺍﻟﻤﺮﻳﺦ ﺑﻴﻠﻌﺐ ﻓﻲ ﺩﻭﺭﻱ ﺃﺑﻄﺎﻝ ﺃﻭﺭﻭﺑﺎ . ﺻﺪﻳﻖ ﺣﺴﺐ ‏( ﻛﻮﺭﺗﻮ ‏) ﺑﻜﻮﻥ ﻓﺎﻛﺮ ﺍﻟﺠﺰﺍﺋﺮ ﺩﻱ ﺩﻭﻟﺔ ‏(ﺃﻭﺭﺑﻴﺔ ‏) . ……………… ﻗﺎﻟﻮﺍ ﻟﻲ ﻋﻨﻜﺒﺔ ﺃﻋﺎﺭﻭﻩ ﻟﻬﻼﻝ ﺍﻷﺑﻴﺾ . ﻗﻠﺖ ﻟﻴﻬﻢ ﺃﻧﺎ ﻣﺎ ﺯﻣﺎﻥ ﻗﻠﺖ ﻟﻴﻜﻢ ﺑﻜﺮﻱ ﺍﻟﻤﺪﻳﻨﺔ ﻭﻋﻨﻜﺒﺔ ﻣﺎ ﺑﻘﻌﺪﻭﺍ ﻓﻲ ﻓﺮﻳﻖ ﻭﺍﺣﺪ . ﻋﻨﻜﺒﺔ ﻭﺑﻜﺮﻱ ﻓﻲ ﻓﺮﻳﻖ ﻭﺍﺣﺪ .. ﺯﻱ ﺇﻧﺼﺎﻑ ﻣﺪﻧﻲ ﻓﻲ ﻓﺮﻗﺔ ‏( ﻋﻘﺪ ﺍﻟﺠﻼﺩ ‏) . ﻋﺸﺎﻥ ﻛﺪﺍ ﻃﻔﺸﻮﺍ ﻋﻨﻜﺒﺔ ﻟﻬﻼﻝ ﺍﻷﺑﻴﺾ .. ﻋﺸﺎﻥ ﺑﻜﺮﻱ ﺍﻟﻤﺪﻳﻨﺔ ﻳﺄﺧﺪ ﺭﺍﺣﺘﻮ . .………… ﺍﻟﺴﺨﺎﻧﺔ ﺍﻷﻳﺎﻣﺎﺕ ﺩﻱ ﺷﺪﻳﺪﺓ . ﻟﻜﻦ ﺍﻟﻤﺸﻜﻠﺔ ﻣﺎ ﻓﻲ ﺳﺨﺎﻧﺔ . ﻭﻻ ﻓﻲ ﻗﻄﻮﻋﺎﺕ ﺍﻟﻜﻬﺮﺑﺔ . ﻭﻻ ﻓﻲ ﺍﻟﺤﺎﺟﺎﺕ ﺩﻱ . ﺍﻟﻤﺸﻜﻠﺔ ﻓﻲ ﺍﻟﺴﺨﺎﻧﺔ ﺩﻱ ﺗﻠﻌﺒﻮﺍ ﻟﻲ ﻓﻲ ﻣﺠﻤﻮﻋﺔ ﻛﻠﻬﺎ ﺟﺰﺍﺋﺮﻳﻦ . ..………… ﻳﺎ ﻧﺎﺱ ﺟﻤﺎﻝ ﺍﻟﻮﺍﻟﻲ . ﻭﻳﺎ ﺍﻟﻔﺮﻳﻖ ﻃﺎﺭﻕ . ﻭﻋﺒﺪﺍﻟﺼﻤﺪ ‏( ﺍﺳﺘﻘﺎﻝ ﺃﻭ ﻣﺎ ﺍﺳﺘﻘﺎﻝ ﻣﺎ ﻋﻨﺪﻱ ﻣﻌﺎﻫﻮ ﻗﻀﻴﺔ ‏) . ﻭﻋﻼﺀ ﺍﻟﺪﻳﻦ ﻳﻮﺳﻒ ﻭﺑﻜﺮﻱ ﺍﻟﻤﺪﻳﻨﺔ ﻭﺃﺣﻤﺪ ﺍﻟﺒﺎﺷﺎ . ﻭﻛﻞ ﺍﻟﺠﻤﺎﻋﺔ ﺍﻟﻄﻴﺒﻴﻴﻦ . ﺃﻧﺘﻮﺍ ﻣﻔﺮﻭﺽ ﻳﺸﻴﻠﻮﺍ ﻣﻨﻜﻢ ﺷﺮﺍﺋﺢ ﺯﻳﻦ ﻭﺳﻮﺩﺍﻧﻲ ﻭﺍﻡ ﺗﻲ ﺍﻥ … ﻭﻳﺪﻭﻛﻢ ﺷﺮﺍﺋﺢ ‏( ﺟﺰﺍﺋﺮﻳﺔ ‏) . ﺍﻋﻤﻠﻮﺍ ﻟﻴﻜﻢ ﺷﺮﺍﺋﺢ ‏( ﺟﺰﺍﺋﺮﻳﺔ ‏) . …………… ﻧﺎﺱ ﺍﻟﻤﺮﻳﺦ ﻋﻨﺪﻫﻢ ‏( ﺑﺪﻉ ‏) ﺑﻴﻌﺮﻓﻮﻫﺎ ﺑﺮﺍﻫﻢ . ﺣﺎﺟﺎﺕ ﺑﻘﻄﻌﻮﻫﺎ ﻣﻦ ﺭﺃﺳﻬﻢ . ﺑﻴﺼﻨﻌﻮﺍ ﻟﻴﻬﻢ ‏( ﺍﺧﺘﺮﺍﻋﺎﺕ ‏) ﻧﺤﻦ ﺃﺻﻠﻮ ﻣﺎ ﺳﻤﻌﻨﺎ ﺑﻴﻬﺎ ﻓﻲ ﺍﻟﺪﻧﻴﺎ ﺩﻱ . ﻓﻲ ﺍﻷﻳﺎﻡ ﺍﻟﻤﺎﺿﻴﺔ .. ﻣﻬﺪ ﺇﻋﻼﻡ ﺍﻟﻤﺮﻳﺦ ﻟﻠﺘﺨﻠﺺ ﻣﻦ ‏( ﺗﺮﺍﻭﺭﻱ ‏) .. ﻭﺍﻗﻨﻌﻮﺍ ﺍﻟﺠﻤﺎﻫﻴﺮ ﺃﻥ ﺗﺮﺍﻭﺭﻱ ﻻ ﺟﺪﻭﻯ ﻣﻨﻪ . ﻗﺎﻟﻮﺍ ﺗﺮﺍﻭﺭﻱ ﻣﺎ ﻓﻴﻪ ﻓﺎﺋﺪﺓ . ﻭﺇﻥ ﺍﻟﻤﺪﻳﺮ ﺍﻟﻔﻨﻲ ﻟﻠﻤﺮﻳﺦ ﺍﻟﻔﺮﻧﺴﻲ ﻏﺎﺭﺯﻳﺘﻮ ﻳﺸﻮﻑ ‏( ﺍﻟﻌﻤﻰ ‏) ﻣﺎ ﻳﺸﻮﻑ ‏( ﺗﺮﺍﻭﺭﻱ ‏) . ﻭﻛﺎﻥ ﺍﻟﺠﻬﺎﺯ ﺍﻟﻔﻨﻲ ﻟﻠﻤﺮﻳﺦ ﻭﻣﺠﻠﺲ ﺍﻹﺩﺍﺭﺓ ﺍﺳﺘﺒﻖ ﻓﺘﺮﺓ ﺍﻟﺘﺴﺠﻴﻼﺕ ﺑﺈﻳﻘﺎﻑ ‏( ﺗﺮﺍﻭﺭﻱ ‏) ﺑﺎﻋﺘﺒﺎﺭ ﺃﻥ ﺍﻟﻤﺤﺘﺮﻑ ﺍﻟﻤﺎﻟﻲ ﺳﻮﻑ ﻳﻜﻮﻥ ﺃﻭﻝ ﺍﻟﻤﻐﺎﺩﺭﻳﻦ ﻟﻜﺸﻮﻓﺎﺕ ﺍﻟﻤﺮﻳﺦ . ﺍﻟﻨﺎﺱ ﻛﻠﻬﺎ ﺍﻗﺘﻨﻌﺖ ﺑﻤﻐﺎﺩﺭﺓ ﺗﺮﺍﻭﺭﻱ ﻟﻜﺸﻮﻓﺎﺕ ﺍﻟﻤﺮﻳﺦ – ﻓﻬﻮ ﻻﻋﺐ ﻏﻴﺮ ﻣﻨﻀﺒﻂ ﻭﻏﻴﺮ ﻣﻠﺘﺰﻡ .. ﻭﻻ ﻳﺮﺟﻰ ﻣﻨﻪ ﺷﻴﺌﺎً . ﻋﻠﻰ ﻫﺬﺍ ﺳﺎﺭﺕ ﺍﻟﺠﻤﺎﻫﻴﺮ ﻭﺍﻗﺘﻨﻌﻮﺍ ﺟﻤﻴﻌﺎً ﺑﻤﺒﺮﺭﺍﺕ ﺇﻋﻼﻡ ﺍﻟﻤﺮﻳﺦ ﻭﺍﻷﺳﺒﺎﺏ ﺍﻟﺘﻰ ﺳﺎﻗﻬﺎ ﻟﻠﺘﺨﻠﺺ ﻣﻦ ‏( ﺗﺮﺍﻭﺭﻱ ‏) . ﺍﻟﻤﻌﻠﻮﻡ ﺃﻥ ﺗﺮﺍﻭﺭﻱ ﻟﻢ ﻳﻈﻬﺮ ﻓﻲ ﺍﻟﻨﺼﻒ ﺍﻷﻭﻝ ﻣﻦ ﺍﻟﻤﻮﺳﻢ ﺇﻟّﺎ ﻓﻲ ﻣﺒﺎﺭﻳﺎﺕ ﻣﺤﺪﻭﺩﺓ ﻟﻢ ﻳﻜﻦ ﻟﻬﺎ ﻓﻴﻬﺎ ﺃﺛﺮ . ﺗﺮﺍﻭﺭﻱ ﻃﺒﻌﺎً ﻧﺤﻦ ﻣﺠﺮﺑﻨﻮ . ﻧﺤﻦ ﻋﺎﺭﻓﻨﻮ . ﺣﺎﻓﻈﻨﻮ ﺣﻔﻆ . ﻣﺎ ﻓﻴﻪ ﺃﻱ ﻓﺎﺋﺪﺓ .. ﻭﻣﺎ ﻋﻨﺪﻭ ﻏﻴﺮ ﻳﻀﻴّﻊ ﺍﻟﻜﻮﺭﺓ ﻭﻳﺸﺪ ﺍﻟﺸﻮﺭﺕ ﻭﻳﺼﻨﻘﻊ ﻟﻲ ﻓﻮﻕ . ﺃﻧﺎ ﻣﺎ ﻋﺎﺭﻓﻮ ﺑﺼﻨﻘﻊ ﻓﻮﻕ ﻟﻲ ﺷﻨﻮ؟ . ﺗﻘﻮﻝ ﺑﺮﻛﺐ ﻟﻴﻪ ﻓﻲ ‏(ﻣﺮﻭﺣﺔ ‏) . ﺍﻟﻤﺮﻳﺨﺎﺏ ﺑﻘﺖ ﻟﻴﻬﻢ ﺷﻨﻮ؟ . ﻋﺸﺎﻥ ﻳﺼﻠﺤﻮ ﺍﻟﻤﻮﺿﻮﻉ ﺷﻮﻳﺔ . ﻗﺎﻟﻮﺍ ﺗﺮﺍﻭﺭﻱ ﻋﻤﻞ ﻟﻴﻪ ﻣﺆﺗﻤﺮ ﺻﺤﻔﻲ . ﺗﻘﻮﻝ ﺣﺮﺭ ﻫﺠﻠﻴﺞ . ﻭﻗﺎﻟﻮﺍ ﺗﺮﺍﻭﺭﻱ ﻓﻲ ﺍﻟﻤﺆﺗﻤﺮ ﺍﻟﺼﺤﻔﻲ ﺍﻋﺘﺬﺭ ﻟﻲ ﻏﺎﺭﺯﻳﺘﻮ . ﻗﺪﻳﻤﺔ . ﻭﺍﻋﺘﺬﺭ ﻟﺠﻤﺎﻫﻴﺮ ﺍﻟﻤﺮﻳﺦ . ﻋﻠﻴﻜﻢ ﺍﻟـﻠـﻪ ﻣﻦ ﺍﻟـﻠـﻪ ﺧﻠﻘﻜﻢ ﺷﻔﺘﻮﺍ ﻟﻴﻜﻢ ‏( ﺗﻤﺜﻴﻠﻴﺔ ‏) ﺑﺎﻟﺸﻜﻞ ﺩﺍ . ﻋﺎﻭﺯﻳﻦ ﻳﺼﻠﺤﻮﺍ ﺍﻟﻤﻮﺿﻮﻉ . ﻋﺸﺎﻥ ﻳﺘﺒﻠﻊ . ﻭﻳﺒﻘﻰ ﻣﻘﺒﻮﻝ . ﻗﺎﻟﻮﺍ ﺩﻛﺘﻮﺭ ﺗﺮﺍﻭﺭﻱ ﻋﻤﻞ ﻟﻴﻪ ﻣﺆﺗﻤﺮ ﺻﺤﻔﻲ . ﻏﺎﻳﺘﻮ ﻳﺎ ﻧﺎﺱ ﺍﻟﻤﺮﻳﺦ ﻟﻤﻦ ﺗﻜﻮﻧﻮﺍ ﻋﺎﻭﺯﻳﻦ ﺗﺼﻠﺤﻮﺍ ﺍﻟﻤﻮﺿﻮﻉ – ﺃﺻﻠﻮ ﻣﺎ ﺑﺘﻐﻠﺒﻮ . ﻟﻜﻦ ﺑﺘﻌﻤﻠﻮﻫﺎ ﻇﺎﻫﺮﺓ . ﻣﺎ ﺑﺘﺘﺒﻠﻊ . ﺃﻧﺘﻮﺍ ﺑﺘﻐﺸﻮﺍ ﻓﻲ ﻣﻨﻮ؟ . ﺑﺘﻐﺸﻮﺍ ﻓﻴﻨﺎ .. ﻭﺇﻟّﺎ ﺑﺘﻐﺸﻮﺍ ﻓﻲ ﻧﻔﺴﻜﻢ . ﻟﻮ ﺑﺘﻐﺸﻮﺍ ﻓﻴﻨﺎ … ﻧﺤﻦ ﺣﺎﺟﺎﺕ ﺯﻱ ﺩﻱ ﻣﺎ ﺑﺘﻐﺸﻨﺎ . ﻟﻮ ﺑﺘﻐﺸﻮﺍ ﻓﻲ ﻧﻔﺴﻜﻢ … ﺃﻧﺘﻮﺍ ﺑﺘﻜﺒﺮﻭﺍ ﻣﺘﻴﻦ؟ . ﻣﺆﺗﻤﺮ ﺷﻨﻮ؟ . ﻟﻮ ﺗﺮﺍﻭﺭﻱ ﺑﻌﺮﻑ ﻳﻌﻤﻞ ﻟﻴﻪ ﻣﺆﺗﻤﺮ ﺻﺤﻔﻲ .. ﺩﻱ ﻣﺎ ﻛﺎﻧﺖ ﺣﺎﻟﺘﻮ . ﺑﻌﺪﻳﻦ ﻏﺎﺭﺯﻳﺘﻮ ﺑﻘﺘﻨﻊ ﺑﻲ ﺍﻟﺤﺎﺟﺎﺕ ﺩﻱ . ﻏﺎﺭﺯﻳﺘﻮ ﺑﻘﺘﻨﻊ ﺑـ ‏( ﺍﻟﻤﺆﺗﻤﺮ ﺍﻟﺼﺤﻔﻲ ‏) . ﻗﻮﻝ ﻧﺤﻦ ﺍﻗﺘﻨﻌﻨﺎ – ﺍﻟﺒﻘﻨﻊ ﻏﺎﺭﺯﻳﺘﻮ ﺷﻨﻮ؟ . .……… ﻣﻠﺤﻮﻇﺔ : ﺗﺮﺍﻭﺭﻱ ﺑﻘﻰ ﺯﻱ ﺩﻛﺘﻮﺭ ﺍﻟﻌﻴﻮﻥ ﻣﻦ ﺍﻟﻤﺆﺗﻤﺮﺍﺕ ﺍﻟﺼﺤﻔﻴﺔ . ﻫﻮﺍﻣﺶ ﺍﻟﺒﺮﺍﺯﻳﻠﻲ ﻗﺎﻟﻮﺍ ﻟﻴﻚ ﻭﺻﻞ ﻓﻲ ﺳﺨﺎﻧﺔ – ﻗﺮّﺏ ﻳﺮﺟﻊ . ﻳﺎ ﺍﻟﻜﺎﺭﺩﻳﻨﺎﻝ ﺍﻟﺰﻭﻝ ﺩﺍ ﻟﻮ ﻗﻌﺪ ﻓﻲ ﺍﻟﺴﺨﺎﻧﺔ ﺩﻱ ..ﺯﻭﺟﺘﻮ ﻣﺎ ﺃﻇﻦ ﺗﻘﻌﺪ .. ﻋﺸﺎﻥ ﻛﺪﺍ ﺍﺣﺴﻤﻮﺍ ﺗﺴﺠﻴﻠﻮﺍ ﻣﻦ ﺑﺪﺭﻱ . ﺯﻭﺟﺘﻮ ﺑﺘﻤﻸ ﻟﻴﻪ ﺭﺃﺳﻮ . ﺍﻟﺘﺴﺠﻴﻼﺕ ﺑﻜﺮﻩ ﺁﺧﺮ ﻳﻮﻡ . ﺃﺣﺴﻦ … ﻋﺸﺎﻥ ﻣﺎ ﺗﺰﻋﺠﻮﻧﺎ ﺳﺎﻛﺖ . ﺍﻻﺳﺘﻔﺎﺩ ﻣﻦ ﺍﻟﺘﺴﺠﻴﻼﺕ ﻫﻼﻝ ﺍﻷﺑﻴﺾ . ﺗﻘﻮﻝ ﻣﺸﺎﺭﻙ ﻓﻲ ﺍﻟﻤﺠﻤﻮﻋﺎﺕ . ……… ﻋﺎﺟﻞ : ﺃﻣﻴﺮ ﻛﻤﺎﻝ ﺍﻟﺨﻤﺴﺔ ﻣﻠﻴﺎﺭ ﻣﺎ ﺷﻮﻳﺔ – ﻟﻜﻦ ﻟﻮ ﺍﻧﺘﻈﺮﺕ ﻧﻮﻓﻤﺒﺮ ﺑﺘﺼﻞ ‏( 11 ‏) ﻣﻠﻴﺎﺭ