<!--

<!--<!--<!--<!--<!--

أهون عليك

ليه كلام الحب مات

وما باقى غير الذكريات

والدموع سكنت عيونا

وبتزيد داخلنا الأهات

فى الحب ليه زادت جراحنا

لما نبض القلب مات

هى دى كل الحكاية

وال بينا أصبح سكات

ولا دى قصة حياتنا

وانكتب ننسا ال فات

ولا احنا مكتوب علينا

الحيرة دايما والأهات

مش كتير عليك ياقلبى

تشيل مواجع قلب مات

لما تبقى بحضن غيرى

وتقولى انسا الذكريات

وأنسا كيف حب راسخ

جوة منى وحكيات

أنسا يومى ولا ليلى

ولا أقول الحب مات

وأنسا شوق كان قاتلنى

ولا قلب كان ساكنى

ولا روح جوة منى

بتفكرنى بالفات

مستحيل أنسا حبى

ال عاش جوة حضنى

وال شال كل همى

ال خلا الدنيا تحلا

وبعيونى أشوفها أحلى

وأعيش معاها بالسعات

قوليلى ليه الحب مات

وطالبة يبقى ذكريات

وعايزة ننسا ال فات

بسهوله قلبى هان عليك

وقدرت تنسا حبى ليك

بهجر قلب كان شاريك

يتمنى لحظة بين ايدك

وأهون عليك # محمد عمران