كل ذنبي
إني حسيتك زيادة
والأكادة
إني حبيت وبجنون
ومش بعادة
تبقي لغة الحب فيا بالعيون
بس ذنبي إني خليتك مرايتي
وإني سكنتك حكايتي
وابتديت اوعد واصون
أيوة ذنبي
إني ما عرفتش اشوفك
وانتي غرقانة في كسوفك
وابتديت اشعرِ واقول
كل ذنبي
لما غنيتلك في شِعري
لما توجتك علي عنوان قصايدي
لما خالفت الظنون
جاية دلوقتي تلوميني
إني ليه حسيت حنيني
واعترفت بين السطور
يعني لو خبيت عليكي
كنت راح اسكن عنيكي
ولا كله في النهاية عتاب ولوم
كل ذنبي اني هويتك
واشتريتك
بعد ما بعت النجوم!!
وانتي ليه بتحاسبي قلبي
لو يقول ولا يخبي
تفرق ايه مالهاش لزوم
هو ذنب
هاكفره
إني عن حبك هاصوم
د\سماح نوح