هفكرك
كنت تقسى وقلبى كان بيقـدرك..

بكره تشرب نفس كاسى وأفكرك..

مش هاتصعب يوم عليا والـــدموع..

تمـلا عيونــك والبعــاد هــايحيرك..

زى كل جرح سيبته فى وحدتـى..

زى كل شوك زرعـته ف سكتــى..

زى بــالظبط مــاهــانت دمعــتى..!!

هاتهون جراحك والألام هاتسهرك..

شربتنى ذُلــــك وقلبك بيـه قِــوى..

وقلبى كــان بنـــار بعـادك ينكــوى..

كنت دايمــاً من عــذابى بتـرتــوى..

بس الأسية لقلبى مش هاتوصلك..

دلوقتى جاى ماددلى إيدك بالسلام..

دلوقتى بس حاضن بشوقك الغرام..

ندمان وشايف إن البُعد يوم حرام..

بتلومنى ليه..لوم إللى كان مغيرك..