وداع
وداع ياكل الدنيا
وكفاية علينا اوهام
سكن الحب قلوبنا
وشبعنا منه اوجاع
لا فكر يوم يسعدنا
ولا شوفنا راحت بال
كله بيضحك على كلة
ماهو شغل خيال فى خيال
ما تجمد حبة ياقلبى
وتبطل لعب عيال
واخرج من الوهم وانسى
كفاياك يا قلبى عذاب
الحب كنا بنخلصله
وحبيبى طلع كداب
مش بلومك أو بعتبك
أو بشحت منك حنان
الحكاية ان قلبى
مستحيل يعرف خداع
واوعى يوم عقلك يقولك
ان قلبى فى لحظة باع
قلبى حبك وبأمانه
كلة ود وحنان
ولا يعرف يوم خيانه
ولا هو فى مرة باع
حابب أقولك يا دنيا
وداع ولك مليون سلام
بقلم : محمد عمران