منصور عبد المقصود الشاعر‏ 

كانت
..................
كانت بتعشق مصحفه
وتخرجه من شنطته
ساعة ما يرجع من هناك
شكل الملاك
عمر الأجازة قصيرة
عاشت كتير متحيرة
أخده ف حضنى
والا اسيبه للصحاب
مكنتش لاقيلها جواب
غير انها
عايشة عشانه التضحية
أفرح حبيبى
الفرح على شانك امل
شيفاك
فى بكرة المحتمل
والدنيا مش سايعة حبيبى
خطوتك
تربيتك
حتى علامك معجزة
مزعلش منك يوم ابوك
كل اللى كان ليهم معاك ذكرى
حبيبى بيحسدوك
عايش
فى وسط الناس علم
عمرك
ما سببت الالم
والليلة
ضمت مصحفه
على صدرها
كل الدموع المتحاشين
ليوم الفرح
نازلين سيول على خدها
الليلة دى مجاش ابنها
راجع لواحده مصحفه
غرقان بدم
يا ام الشهيد
اللى انقتل لجل انى
أعيش
مليون سلام يا ام البطل
ولا تندميش
على دم سأل
فوق جبين النيل
يا مصرية
يكتب على وش القمر
عاشقك يا حرية
يا ام الدموع أطهر
من المية
هى الجنان مخلوقة
للدراويش
الولد مات لما اختشى
ويا حي ليه
مبتختشيش
اكتب تعليقًا...