نقط بسكوتك
احمد صبري
-
معلش كان غصب عني
كان لازم اْجي عليك
الصندوق مش حيسلفني
غير لما تمد إيديك
صدقني وكدب روحك
وصحيح كله لمصلحتك
مايصحش يبقى طمزحك
قلة ادبك وبجاحتك
مش قولت لك صبح
بالزوق وبالمحبة
ولا انا لازم اْنطح
اْذيد الخنقة حبة
ياعم موت خلصني
وفر علينا الدعم
شكلك كده مقرفني
اْنت مشيلني الهم
-
مع لش ومع زمني
إوعاك تكون مستغرب
على ايه تشيل مني
لا بدبح ولا بكهرب
انا بس بحنو عليك
شوفت إزاي الحنية
إخرس غمي عينيك
وإبرز كل النقدية
إديتك نص ميراثي
اْخد كل اللي جالك
خليك عاقل وراسي
وعد اْدين لك عيالك
إرقص يلا وغني
حرب وانت الضحية
إدعي الله يعينني
اذيدك ديون دولية
-
جعان وإيه هايشبعني
وطعم دمك حلويات
صحيح وجعك متعني
عايزك بهمك تبات
وإساْل اْبوك عليا
يقولك لولا وجودي
كنت حتبقى سوريا
شوفت بقى مجهودي
راح اخليك الصومال
وإبنك لو مات جعان
انت في احسن حال
عاجبك قسم السودان
شكلك بتموت عجبني
إدفع ضريبة موتك
صوتك بلاش يزعجني
احسن نقط بسكوتك
