قصيده عاميه مسجله بتاريخ 19/3/2016
بعنوان ((( يا حبيبتي يا أمي )))

يا حبيبتي يا أمي يا نور عينيا

مهما أوصفك مش هقدر أوصف

أوصفلك ايه أنا ولا ايه

أوصف جمالك ولا غلاوتك

ده أنتي يا أمي نبع الحنان

وتحت رجلك جنة رحمن

أدخلها بس برضاكي يا أمي

قوليلي بس أنا أعمل ايه

علشان أنول رضاكي يا غاليه

بيقولوا عملوا ليكي عيد

وكل عام يحتفلوا بيه

يحميكي ياما وتعيشي ليا

ده كل لحظه تعدي وانتي

جنبي يا أمي بتبقي عيد

وأنا كل همي في الدنيا ديه

تكوني راضيه عني يا أمي

برضاكي يا أمي هنول مرادي

وهعيش سعيد أنا طول حياتي

الشاعر سعيد الروبي ابوحبيبه

هذه الكلمات أهديتها ﻷمي في عيد اﻷم الماضي