قليل البخت ما يسَلِّمش
ومهما البخت كان مايل
ب يعيش البخت ما ب يحْلَّمش
ب ييجي ع اللمه يتحايل
ما ب يقْدَرْش تجيه دخله
ف باب مكسور للوحده
كانتش الوحده م البُخله
ولا روحها كانت جاحده
طبيعي تحب تتوَنِّس
تنادي الضحكه والأفراح
تلاقي الفرح متْدَنِّس
زمااانه راح
تقول للبخت تعالالي
ماهيه تاريها عرفهوش
مزاجه ف الهم كان عالي
وحافظ هو ياما وشوش
كانتله لوحه يرسمها
اكمنه وحيد
وياما قلوب قَسِّمْهَا
لِ متفارق ومتْحَطَّم ولسه أكيد
ب يأمل يكَسر الأنوار
اللي شايفها كات ضلمه
يقول الجنه بعد النار
لَمَّا أفاجيء اللمه
واروح داخل ف وسطيها
والِم اليأس والإحياط
وآجي ع الفرحه اغطيها
دا قلبي شاط
اقولهالهم لَمَّا اوصل
وسن الغدر فِيَّا يبان
واروح ع البسمه واحصَّل
فاتوره كانتلي ع الإنسان
بقاش إنسان
بقى صدى ف هتاف الصوت
لَكِّن العزم اصله صريح
يقول للبخت لازم تموت
ف قلب الوحده والمجاريح

#محمد