$ سعيد عبد القادر السيدة $
* عاميه *
# الليل و أخره #

الليل ما لوش أخر
و الصبر ده هاجر
يا دنيا سيبيني
أرتاح بقى شويه
طول عمري ظلماني
و بحزني كسياني
و غلبت أه ياني
و أنا ولا بيا
يا دنيا م الأخر
أعملي بقى خاطر
لعمري اللي سافر
و ضاع من أديا
دورت في الماضي
و الحاضر و الأتي
لقيتني يا دنيا
الدمع في عنيا
بقيت أنا خايف
م الأتي مش شايف
مجهول مخوفني
و الكرب حواليا
و ليلي ما لوش أخر
و صبري راح هاجر
يشوف واحد غيري
يفرح معاه شويه
و الليل ما لوش أخر
و الصبر ده هاجر
يا دنيا سيبيني
أرتاح بقى شويه

$$$ كلمات
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد