إجري يارجلي
إجري بسرعة يارجلي
متأخر قوي على شغلي
وعقلي يجيب ويوّدي
ودمي يارجلي بيغلي
ياترى في غيابي حصل إيه
طب قال إيه سعادة البيه
عمّال أقرقض في ضوافري
وألطم وأقول أحيه
يارجلي إفردي جناحاتك
طيري قوام وحياتك
وديني لشغلي بسرعة
إفتحي برجل خطواتك
قلبي عليكي يارجلي
من طول مشيي وحجلي
وذادك مع ذوادك
ملح ومية بتغلي
إصبري على جرح شقوقك
بكرة تجيكي حقوقك
الرزق المكتوب جاي
باللي يارجلي في شوقك
الأيام بكرة تدور
وتعدي يارجلي السور
لما عنيا تفتح
وبأمره تشوف النور
بقلم طارق السيد