... مُفسر الاحلام ....
قولي ياسامع بمنامي .
ازاي بتفسر احلامي ...
حلمت بنجمه معديه .
وسمعت نداها عليً .
قالت لي انت حبيبي .
تعالي لأيامنا الجايه ...
نخطف م العمر ساعات .
ننسي دموع وآهات .
نعيش الدنيا بحلاوتها .
ننسي كل مافات ...
انسي الدنيا بعيونك .
وتنسي الدنيا بعيوني .
في حضنك يالا ارميني .
وبشمسك دايماً دفيني .
وهمست لي في الحب كتير .
بكلام بالعقل يطير .
والدنيا لفت كده بيا .
وكنت راح يُغمي عليا ..
..... ......
ومرت نجمه وراها .
وقالت لي .
اياك تسمع لنداها .
دا كلامها دايماً معسول .
والكل وقع في هواها .
وبتلعب لعبه مسليه .
ما هي اصلاً جنيه ....
..........
انا قلت.
دا الشعر اهو شاب .
والقلب بقا كله عذاب .
وامشي يالا يا جنيه .
وبلاش تلعبي كده بيا ...
...........
وصحيت م النوم علي هوسه .
وبناتي عامله كتير دوشه .
وفي عيونهم نسيت الدنيا .
ولا عايز احلم من تاني .
ولا حد يفسر لي منامي ....
ولا حد يفسر منامي .....
فتحي وجيه ........ّ
