ياواد ياجميل
ياواد إنت ياواد ياجميل
يابو شعر قي لون الليل
جمال النني ساحرني
يابو رمش طويل وكحيل
إتمشى بكل دلال
يافرس عايز خيّال
خيّالك أنا ياحبيبي
ومفيش لك غيري خيال
فارس من سالف العصر
واد مجدع قوي من مصر
وأسمر وبدم خفيف
حبك يانحيل الخصر
فينك ياجميل متداري
هو إنت ياواد مش داري
يوم لما بتبعد عني
معرفش أنا أيه بيجرالي
دايب قوي ياجميل
سيدي عدي عليا وميل
وأنا أميل على ميلة ميلك
وأغني لقمر الليل
ياقمر الليل يامنور
قمري أنا سبحان من صور
مفيش في جماله إتنين
ولا حتى انت أما تنور
تعالي ياقمري تعالى
أنا حالتي في حبك حالة
تعالى بلاش تعاندني
تعلالي ياواد وهاودني
تالى وقوللي بحبك
ياحبيبي إذا كنت حاببني
بقلم طارق السيد