القصيده الفائذه بالمركز الأول عاميه ب منتدى أحاسيس.
كتبت في التسعينات قمت بألقائها في القناة ال الرابعه بالتليفزيون المصري عام 98.
$ سعيد عبد القادر السيد $
* عاميه *
# أصحى يا أدم #

أصحى يا أدم فوق م الغفله
أنسى حوا دي أصلها جاحده
بكل ما تدي و كل كيانك
و لكل غرامك ناسيه و نكره
أصحى يا أدم و أوعى تسلم
قلبك ليها أحسن تتألم
مهما قالت لك أو حلفت لك
أن هواك جواها معلم
و أن يوماتي بيك أه بتحلم
أوعى يا أدم أحسن تندم
أصحى يا أدم فوق م الغفله
ما تصدقشي ولا تسمعشي
حوا دي أصلها ما تطمنشي
مهما تاخد منها و تاخد
برضو ليها ما تأمنشي
دموعها كتير و ليها تفسير
يا طالبه حرير يا أكتر بكتير
أصحى يا أدم فوق م الغفله
خلقك ربك أنت الأول
من ضلعك أعوج خلقت حوا
ليه هواها عليك تتطول
و هواها إذاي بيك تتسوى
كفايه سمعت ليها مره
هى المره تركت الجنه
نزلت الدنيا الأسيه المره
و الدنيا لحوا هى الجنه
أصحى يا أدم فوق م الغفله
تشوفك تضحك تناجي عنيك
إليها تروح كدا تتمنى
لحد ما تبقى كل كيانك
لواحد تاني تروح تستنى
طاوعني يا أدم لو تنساها
تلاقي الدنيا ما أحلاها
أصحى يا أدم فوق م الغفله
دي حوا ديه وراها كتير
وراها عذاب وراها تدمير
لكن الدنيا برضو يا أدم
بيها بتحلى بيها بتسيير
أختي و أختك أمي و أمك
هى الغاليه بقلب كبير
أصحى يا أدم فوق م الغفله
خدها نصيحه مني يا أدم
حوا دي أصلها جنه و نار
ممكن ليك تبقى مطيعه
ممكن ليك تبقى دمار
لو خلصت لك بس صريحه
ليلك كله يبقى نهار
تبقى حياتك حلوه مريحه
و تكملو سوا المشوار
أرجو سماح منكي يا حوا
و أقبلي مني الأعتذار
أصحى يا أدم فوق م الغفله
أعشق حوا دي أصلها حلوه

$$$ كلمات
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد

تعليق