نشرة أخبار
من نبض الشارع المصري
الأخبار عندنا حصري
أذيعها عليكو الآن
هتقولوا أنا سابق عصري
جانا النبأ التالي الآن
قبل ماينزل في الجرنان
أن السيد سونة العايق
كان متقريف قوي متضايق
علشان جارته الست سنية
على راسه دلقت جردل مية
أناشد من هنا ست سنية
تاخد بالها المرة الجاية
علشان سونة يعرف يتعايق
يمكن يعجب أي صبية
ووفانا كمان مندوبنا الآن
أن سليم أفندي الفنان
الكائن برضو في نفس الحارة
محبط جدا قوي علشان
مشهور عنه رزالة صوته
وكل الناس ماعليه بيفوتوا
يقولوا أسكت حبة يافنان
والحدث الأحدث ع الإطلاق
حيث الأسطى علي السباك
شد ودان ولد إسمه نبيه
لمحته أمه من الشباك
نزلت دوغري تلطش فيه
هو يقول حرمت خلاص
هى تقوله أنا مش سيباك
هو يقول حوشوا عني ياناس
هي تقوله عاجبني قفاك
وفي آخرالنشرة يامستمعين
إذا كان لسة في ناس صاحيين
حقيقة حقولها وأطلع أجري
ياأنا مجنون ياأنتوا المجانين
هههههههههههههههههههههههههه
بقلم طارق السيد