اعملى تعويزه وحجاب
وهاتلى خرزه زرقه
محسوده ليه وبنصاب
وبحلم إنى فغرقه
ليه جاره جباره
وعنيها تطق شراره
لو شافتنى مبسوطه
أربط راسى بالفوطه
وان دخلت عندى الشقه
جوزى يضربنى علقه
وان وريتها فستان
يتحول لخبر كان
بصتها مبتخيبش
وتنشن متهيفش
لو واحده مدايآك أجرها
من بصه تجيبلك خبرها
إمكانياتها عاليه
وتركز ع الحاجه الغاليه
دى شاشة تليفزيون
بوتاجاز ست عيون
أو تلاجه ببابين
أو خلاط م الغاليين
لو باصه ولو م الفتحه
تقرا عليهم الفاتحه
وزرنا شيخ واتنين
ميت مره ومش نافعين
واقرالها آية الكرسى
تسمعنى تحسد حسى
دبرنى أعمل إيه
فى المشكل اللى انا فيه
منير خاطر