دنيا وآخرة
دنيا ودايبه الناس فى ترابها
فاز من عاد لخالقها وسابها
ماحناش أد النار وعذابها
توبوا ياخوانا لانبقى منابها
إسعوا ياخلق فى أرض الله
كلوا واشربوا من رزق الله
وإقروا كتابه ... يفتح أبوابه
فضل ورحمه وحسن ثوابه
يفرح بينا شفيعنا نبينا
صلوا عليه وسلموا تسليما
من حوض الميه بإيده يسقينا
نشرب شربه مانعطش أبدا
يوم القيامه تلاقوا ناس ياما
تتمنى إن ترجع تانى للدنيا
تقضى حياتها كلها ساجده
شاريه الآخره وبايعه الدنيا
طبعا لأ أبدا وبتاتا
يوم الفصل كان ميقاتا
بقلم طارق السيد