يا روحى
وبعود ارسملك ف الجنه
واحكى حكايات
يمكن تترسم ف خيالك
احلام وحاجات
واخدك من فكرك جواها
واوصف ف جمالها وهواها
سبحان من زدها وسواها
ربى ف علاة
عصافيرها الخضرا بتندهلك
وانتى سيقانى وعلى مهلك
لو كان الفرحه تستهلك
لازم معاناه
ماهو دايما انتى بتخدينى
اخرج من عرفى ومن دينى
على باب الجنه تحدينى
واقف بثبات
وبحاول ادخل وبعافر
وسط الأحلام دايما أسافر
انا عاشق لكن مش كافر
مؤمن بالذات
لكن الحلم بيحيينى
عايش جوايا بيدينى
دا مرسومه ملامحك ف جبينى
سقيانى حياة
بلمح ف عيونك اوصافى
فيكى فرحه وحضنك كان دافى
دمك وحنانك ف كتافى
سكنى الاه
وبتمنى انك تدينى
وتضيفى ايمانك لسنينى
القانى معاكى تودينى
طمعان ف الجاه
واتوه واتقلب من ذنبى
وبحس مافيش قلب ف جنبى
واتيأس من رحمه ربى
والعمر اهو فات
أنا عارف انك أماره
بكاس أو نظرة وبسجارة
وطريق مفروش للخمارة
ورد ونغمات
والضحكه تعلى وتلالى
بالدنيا دايما شغلانى
وكمان ع التوبه بتتعالى
سحبانى ف سكات
انا بدعى اتحرر من سحرك
وماكنش غريق جوة ف بحرك
افتحى للفرح هيفتحلك
لمى المسافات
انا ساكن جوة احزانى
محصور متحطم وبعانى
وف لحظه تحسى بفقدانى
وتقولى اهو مات
وساعتها ياروحى هنتقابل
ومافيش ولا اجر ولا مقابل
ورينى ازاى بقى نتعامل؟!
يوم حكم الله
الشاعر/ خالد أمين
