<!--

<!--<!--

حلم المشروع الصغير

لو احنا عايزين ننجح   --------   يبقى لازم نشتغل

لو احنا عايزين ننجح   ------ --  يبقى  لازم نشتغل

                ولازم  يبقى لينا  هدف ....

وعلشان ما توصل للهدف                                       خلى  كل الحلم  جواه

فكر  وقرر  ...      دى كل  الافكار الكبيرة كانت فى الاصل

                     (  حلم صغير ) .

صدقنى لما اقولك احلى حلم هو اللى بيكبر معاك  .

بس ارجع تانى اقولك         ده احنا عندنا سلاح فتاك .

          سلاح   اسمة  ( البشر  )   

 وعندنا صناعة بس للاسف من     (غير  عمل)

واسمحولى علشان ما احطش نفسى فى كلام كبير خلونى ارجع

 تانى  واتكلم عن الحلم الصغير

واقولكم على الفكرة  ... 

     اللى يمكن فى يوم من الايام تغير فكر (المشروع الصغير )

  والكلام  الى حقوله ماهواش( تخبيط)  

                          الكلام  ده مجرد ( نقد بسيط )

   يا نعمل بية  ونتغير يا نسيبنا منه وشيلة جنب الحيط .

  عندنا فى مصر مثلا  صندوق  كبير اسمه فى الاساس

      ( الصندوق الاجتماعى للمشروع الصغير)

   جواه  قوانين كتير  كلها تخدم( المستثمر الصغير) .

   اولهم  الى عنده الحلم  بس ماعندوش باقى التفاصيل.

   وحتى اللى ماعندوش الحلم حيلاقى  جوة الدولاب هناك      احلام كتير 

      عارفين ان  الصندوق الكبير.   دة ممكن يغير من فكر   المشروعات كتير

   ويعدى بينا الف ميل وميل  بس ياخسارة

             (واقف عند خانه الروتين)

(  اولها رخصة  واخرها تدخل تحت بند المتعثرين)

  وكمان  فى دولتنا وزارة  ليها برضه  دور كبير  بس للاسف مجاش من عندها حد  علشان

ماكانوش من المدعويين (  وزاره الصناعة )

عندها  ناس كتير وهيئات وادارات كل شغلهم المفروض  (صاحب المشروع الصغير )

وانا عن نفسى شفت   منها ادارات كتير

 ادارة المشروعات الصغيرة والمتوسطة

هيئة تنمية المشروعات الصغيرة

دعم قدرات المشروعات الصغيرة

قطاع سياسات تنمية المشروعات الصغيرة

وانا عارف ان اغلبكم هنا  ما بيسمعش عن الناس دة كلام كثير

 وهو نطام كبير  مسئول عن كل شء الا ( المشروع الصغير )

         انا  عاوز اسئل  سؤال  يمكن  الاقى اجابة 

 هو فين  فى مصر المشروع الصغير ؟؟                   

 يبقى    لو احنا عايزين ننجح يبقى لازم كلنا نشتغل

  مش  حاقول ان احنا عالم ثالث   ومش  حاقارن   واقول بص للصين ولا كوريا ولا حتى ماليزيا   الى كل منتجات تصديرهم قايمة على  (المصنع الصغير )

 لو احنا عايزين ننجح لازم نشيل الغبار ويكون الكلام الى مكتوب فى القوانين مش مجرد شعار.

            وندى الخدمة للى عاوز يشتغل

   يبقى لازم كلنا هنا نفكر فى ( الحلم الكبير)

 والى صدقونى بقدرتنا وامكانياتنا عمرة ما هيكون مستحيل 

  وانا  هنا  واحد منكم  بسيط  من كتير عايشين نفسهم يتحقق حلم السنين

 واشوف بلادنا منتجة بايدين ولادها منتجة  وبرضة مش هيكون مستحيل

  دة مصر هى الى طلع منها نجيب محفوظ ومجدى يعقوب  واحمد زويل 

 معقول مش هيطلع  منها        (  حلم المشروع الصغير )