بيسألونى 


لو رجعلك ندمان عايز يرجع حب زمان 

تسامحيه ما انا مسامحاه من زمان

من اول ما دبحنى بايديه

دا حب عمرى وقلبى اتقفل عليه
بلاش ملام بحبه وهعمل ايه
لكن مش هقدر اسلمه روحى تانى

ولا قلبى حطمن عليه 

خانى بقلب بارد 

من غير ما ترمش عنيه

وعارف ان كل يوم بموت

ولا دمعى بيصعب عليه 

انادى بعلو الصوت 

ولا مرة مدلى ايديه

ايوة مسامحاه لكن مش هرجع تانى اليه

يقولولى

بتتعذبى ليه فاكراه ليه

لانه الحقيقة الوحيدة فحياتى 

فتحت عينى على قلبه
وعشت معاه كل حياتى 
حزين فرحان وانا جنبه

كان فرحتى وكل اهاتى 

استكتروا عليا حبه

وسودوا عليا حياتى
عرفتوا ليه بحبه ليه 
فاكراه ليه

لانى ما حسيتش غير على ايده
علم قلبى الكلام
كان قلبى ذى وليده 
عرف طعم الغرام
كان كل اهلى وانا وحيده
واتارى كله كلام 
والعمر اللى عشته معاه
كان قصور من الاوهام
اسالوه سابنى ليه

خدعنى ليه 
ليه كان مصمم يجرح قلبى ويبكى عنيه

وان قالكم مش فاكرها
وقصتها جابت اخرها
خلصوا الكلام وياه
وقولوا عايشة احلى حياه
وقربت تنسى الاه
صعبان عليا احب قلب فى وسط الطريق تاه 
مش فاهم يعنى ايه حياه
قولوا كنا بنسال سبتها ليه 
والعشرة الطويلة بينكم 
مصيرها ايه 
وكفايه تطمنونى عليه 
اصل طول ما هو عايش انا عايشة 
وبكتب احزانى اليه

الشاعرة مرفت موافى موثق ومحفوظ من ديوان معجزةأ