جرس محطة ... ولا طابور !!
حيوا العلم .. اقف انتباه !!
فين كراستى ..
دا انا كلى أشلاء !!
صرخت ..
بــ صوت كله وعيد !!
افتحوا الكراريس ..
فـ وسط السطر ___
.. انحدار !!
و اول السطر اسم الشهيد..
وحروف بدايتها أمل .. فى يوم جديد ..
وانتهى اليوم مــ البدايه.. بخوف .. وألم !!
و.. سؤال .. فـ البيت ..؟
مين السبب فى الموت ؟
جرس ... رن وانصراف ..
و.. صوت بيصرخ فــ النوافذ
مين يرجعك ياوليد ..
وفـ الهول صوت نسمه بتضحك .
وبتحلى الكون !!
وع السلالم صدى صوت ... مهاب ..
العب مع اصحابى .._
نهائى الكاس !!
وصوت رنا .. يدوى فى الحوش ..
اعمل معاكى مامى .. كيكة التفاح !!

وآآآآآآآآآآآآآآآآآآه
القلب انفطر ..
من غير دموع ..
اتحجرت .. !!
ووقف الكلام فى الزور ...
الاب شارد .. يدور ع.. شنطة ياسين ..
بيتكلم بصوت مسموع
مين الجانى
مين المسئول
ولا ها تكتبوا الحادث ضد مجهول !!!

وكان آخر العهد ...
قبلة حياة مش موت !!!