هذا الموضوع ارسل لاحد المنديات
بعد ملامتى على كلمات قلمى
 
=====
 
راجل شايب وغلبان
=======
 
 
عجوز وكهل وقلمه شقى وقال كلمتين
زعلوا منه حبايبه وقالوا ده كلام عيب
 
 
يا راجل يا شايب مالك وما الحب يا حزين
خليك مؤدب بقه .. وأتكلم كلام يكون سليم
 
========
 
 
قال الكهل يا شباب يا حبايبى ويا حلوين
ليه انا لوحدى تطبقوا علىّ مبدأ العيب؟؟
 
 
ياما فيه موضوعات فى المنتدى تزيد عن كلمة عيب
 
ليه المنظار محطوط على كلماتى انا قولولى بس ليه؟؟
 
 
هوه الكهل مش بشر؟ ......ملهوش قلب ولا ايه ؟
مش من حقه يحب زيكم ؟ ...... ولا راحت عليه؟
 
 
== == ==
 
 
يا شباب شاب ............. وهو فى العشرين
احنا الاساس ............. وشبابنا لسه متين
 
 
احنا اللى أكلنا سمن بلدى وقطفنا وش الخير
الصحه عال العال ... وأحنا الشباب بلا عيب
 
 
خير الارض كان ياما من غير كيماوى ولا مبيد
السمنه والزبده كانت بلدى طعم وريحه مش فزلين
 
 
اللحوم فى عهدكم أصبحت بترول بلاستك عليه شحوم
الجاموسه كان ليها (8) رجول والان اصبحوا جوزين
 
 
وجوز الحمام كان (3) فرادى أصبح فردين
والمعزه أكبر الجاموسه .. ووزنها ييجى طنين
 
 
والبيضه اكبر من الفرخه وفيها صفارتين
والمياه كانت نظيفه ... ومن غير أى جراثيم
 
 
== == ==
 
 
اما عن الحب يا صديقى ويا عزيزى ؟؟
الحب لا يعرف شاب ولا شايب . ولا له لون
 
 
وأحنا اللى نعرف معنى الحب الاصيل
اسألوا سومه وعبد الحليم .. وكمان فريد
 
 
الحب زمان كان قصه زى ليلى وقيس
الحب كان صادق .. مكنش وهم ولا تمثيل
 
 
زماننا كان فيه الاصول كل شىء مدروس
زمانكم الان .. الاصول ماشيه بس بالمقلوب
 
 
 
 
=======
تحياتى لكم جميعاّ
كل ودى لعزيزى .......
الصابر