الصابر الاسيوطى
..............
عايش حياتى فى قلق عايش ليلى فى سهر
عايش مع الفكر والندم ومع العذاب والامل
بفكر فى الدنيا واحوالها وفى اللى مخبيه الزمان
بفكر فى حياتى فى نهايتى وفى الفرح وفى الالاَم
بفكر واقول لحد امتى الحروب وأيه أخرة العداء
امتى يتولد سلام حقيقى ونعرف ايه معنى الاخاء
بتندم على كل حاجه عملتها فيها ظلم لأى انسان
بتندم على عمر ضاع من غير أى ذكرى او كيان
بتندم على كل لحظه عدت وانا بعيد عن ذكر الله
قدرنى ياربى ان اكون دوما فى طاعتك بلا رياء
بتعذب لما اكون فى الام ومفيش جنبى ولاانسان
بتعذب لما أشوف الحبايب اصبح مابينهم خصام
بتعذب لما اتهم بأفعال لاأقبلها انا على أى انسان
ويزيد عذابى لما يشهد علىّ انسان منافق وجبان
واملى اشوف كل الناس حبايب يعيشوا فى سلام
يتمنوا الخير لبعضهم يبعدوا عن طريق الطغيان
املى نكون حقيقى اخوان مش بنفاق كلام اللسان
نزرع فى قلوبنا محبه علشان نجنى ثمار الامان
................
دمتم بحفظ الله