الهوى غلاب
=======
 
هوه صحيح الهوى غلاب
ودايماً قاسى على الاحباب
بييجى فجأه من غير ميعاد
وممكن يضيع ويبقى عذاب
 
قالوا
 
فيه اللى الهوى جاله
غير كتير من احواله
ونسى كل ماجراله
قلبه عرف معنى الهوى
عاش نهاره فرح وليله هنا
عاش يغنى ويا الهوى
 
غنى وقال عمر الهوى ما كان غلاب
الهوى فيه الدوى الهوى حب وحنان
 
 
 
وقالوا
 
فيه اللى الهوى جار عليه
طير النوم  من عنيه
خد منه  اللى كان يواسيه
وقلبه اصبح عليل الهوى
عاش ليله دموع ونهاره ضنا
عاش يبكى ويا الهوى
 
بالدموع قال موال وقال الهوى غلاب
قال الهوى خاين وغدار وملهش امان
 
.....
 
يا أهل الهوى .... ليه الهوى أسمه هوى
 
واللى هوى جوه الهوى .... ازاى يتعدل
 
قالوا ..... الهوى فيه العلل وجواه الدوى
 
واللى مال م الهوى .... صعب انه يتعدل
 
جروح الهوى .. مالها دوى غير بالهوى
 
ومن الهوى بنميل .... وبيه ممكن نتعدل
 
....
 
جانى الهوى
وانا م الهوى القلب خالى
 
جانى وصحى
الشوق فى قلبى واتملى الخالى
 
جانى يسأل ويقول
ازاى م الهوى عايش محروم
 
وسهرت ويا النجوم
اناجى الهوى يوم ورى يوم
 
والقلب خايف ليندم فى يوم
وارجع تانى ابكى واقول
أيوه صحيح الهوى غلاب
..............
 
تحياتى لجميعكم
قلم / الصابر