مغرور
====
 
مغرور حبيبى وعايش فوق فى العالى
فاكر الحب لعبه وبيه اتسلى على حالى
 
شفت الحب فى كلامه
قلت له انت حياتى
 
عشت وياه للحب اغنى
كتبت له اشعارى
 
وقعت فى غرامه
واتاريه بيلعب بأعصابى
 
شغلنى بحب الوهم
ولا صعب عليه حالى
 
قلبى الضعيف صدق كلامه
قلبى المحروم شاف فيه الحنان
 
الكلام الجميل كان عنوانه
اتاريه كلام رجعنى تانى للاوهام
 
مغرور وفاكر
ان اللعب بالحب ساهل
 
مغرور . مغرور .
وهو بالحب جاهل
 
حبيبى يللى حبيتك
الحب له اول وله اخر
 
واللى يكون اوله غرور
يبقى حب ناقص
 
مليان بحب الاّنانيه
وحب الذات فيه ظاهر
 
بالحب الروحين
يبقوا الاتنين روح واحد
 
قلبى وقلبك فى الغرام
كتبوا قصه وروايه
 
حبى وحبك فى الهوى
عاشوا سوى حكايه
 
قلبى بصدق الغرام باح واشتكى
وبصدق المشاعر عاش ويا الهوىَ
 
قلبك بالغرور نادى علىّ
خاف من نداه قلبى
 
حُبك بالغرور جانى
لامونى الناس على حبى
 
ورجعت اضحك على نفسى
ع الوهم اللى عاش فيه قلبى
 
رجعت للوحده  وللوهم من تانى
اعيش الليالى اكلم فى الهوى ذاتى
 
اقول يا قلبى
اهه قصه فى الهوى وعدت
 
واقول ياربى
عنيه من كتر الدموع تعبت
 
ليه حياتى كده
اطلع من وهم اللاقى وهم اكبر
 
فين الحقيقه ياربى
ليه فى بحور الهوى بغرق
 
يا ترى هو انا حقيقه
ولا الجسد بالوهم بيتحرك
 
يا ترى حبيبى مغرور
ولا انا اللى للحب لا أصلح
====
كلمات / الصابر