<!--<!--
رسائل الحب فى عصر ( الدلفرى )
بقلم سمير أبوالحمد
فى عصر اليورو وصاحب الجلاله النت وبعد إرتحال المغفور لها الرسائل البريديه الورقيه الرومانسيه التى كان يبث من خلالها العشاق لهيب أشواقهم منذ عرف الانسان القديم فن الكتابه على الوسائل البدائيه وصولا للحمام الزاجل رسول الحب والسلام راح يكتب عشاق عصر( دلعنى على الرصيف يامطنش ياسخيف ) فى رسائلهم من خلال الهواتف المحموله الخاليه من الاحساس عبارات قمه فى الهيافه والسخافه تشبه إلى حد بعيد عبارات ام لواحظ الدلاله حين تردح لام دسوقى فى سوق الثلاثاء ومن تلك الرسائل . كتبت إحدى العاشقات المتيمات تقول لحبيبها : يـا مـلـقـح جـوه قـلـبـى وأنـا قـلـبـى مـش مـتـيـن مـن حـبـك جـالـى سـكـر إديـنـى أنـسـولـيـن فأرسل لها يقول كأنه يحارب جيوش التتار . ارسل رصاصات حبى ودبابات إعجابى وصواريخ إخلاصى المرسل معجب إرهابى . فأرسلت له تقول : وينك ياإرهابى يامفجر أعصابى مطلوب القبض عليك لانك اعز أحبابى . ومن رسائل عصر( يامقطعلى هدومى حبك زودلى همومى ) رساله من متيمه تقول لعاشقها ببساطه : أنا بالمستشفى لاتخف جت بسيطه أزمه بالقلب من زحمة أشواقى لك ممكن ثمن العلاج . فحن عليها برساله تقطررمانسيه قائلا : بعتلك هديه مردتيش عليه إيه البخل ده يابنت الحراميه . وتلك رساله جاءت على شكل تقريرطبى تقول حروفها : إلتهاب حاد فى الشريحه . نتيجه لارتفاع التطنيش العلاج . رنه كل 3 ساعات . رساله صباحا ومساء . مكالمه عند اللزوم فجاء رد المحب الولهان . ممكن أجى لاهلك عشان أطلب إيد المقشه أحسن اللى عندنا إتكسرت . فردت عليه . كوز المحبه إتخرم وطرطش على كمى . حبيبى كفايه جفا وإرحم عذاب امى . فأرسل العاشق يقول : يارمينى بلقمه ناشفه والعيش عندك طرى . حبك عاملى أزمه ماتحن يامفترى . ومن شدة الاهمال كتبت واحده من بنات العصرالأغبر تقول للبيه الذى ٌتجن به : عاملنى زى المضاد الحيوى كل 8 ساعات رنلى أو زى الفيتامين كل يوم كلمنى بلاش أكون زى البنادول عند اللزوم تفتكرنى . فكتب البيه المطنشاتى يقول لها ساخرا : لولا الهوى ياحياتى لولا الهوى ياحبى لولا الهوى ياعمرى ماكانش نشف الغسيل . فردت الهانم العاشقه برساله أشد منها سخريه أشوفك أدوخ أقرب منك أتسطل ألمس إيديك أفقد الوعى إرحمنى بقى وإستحمى فأراد أن يصالحها برساله طريفه فكتب : بأجمل حروف وبصوت ملهوف وأنا مكسوف والنبى حتة لحمه أحسن سمعت إن عندكم خروف فكان ردها على الفور. لوقلبك حس بيه ودموعك نزلت على خدك إتصل بيه عشان ببيع مناديل ورق .. تلك كانت بعض العينات من رسائل عصر ( اللاحب واللارومانسيه ) حفلت بالسخريه من ( الحب ) أسمى المشاعر على وجه الارض وعبارات العنف والقسوه ومفردات السوقه وتاهت فى الزحام كلمات وعبارات راقيه من عينة هات عينيك تسرح فى دنيتهم عنيه. هات إيديك ترتاح فى لمستهم ايديه. أواللى شفته قبل ماتشوفك عينيه . عمر ضايع يحسبوه إزاى عليه . إنت عمرى اللى إبتدا بنورك صباحه . فهل هاجر الحب من ايامنا بلا عوده أم اننا الذين لم نعد نتقن فن الحب ؟ تساؤلات تبحث عن إجابه عندك عزيزى القارئ .
ساحة النقاش