صبرا يا ملك الموت
لساني مفرحتش
اجل لؤاك كام يوم
ارجوك متستعجلش
ليا حبايب نفسي
الحق واودعهم
عارف لؤاك مكتوب
لاكن هيوجعهم
وان كان بايدك الصبر
اتوصى فيه وكتر
دي الفرقة وجاعه
ومين ع الفراق يقدر
بستحلفك بالله
لوكان لؤاك قرب
خليني اموت وانا بينهم
ولا اموتش متغرب
سيبني اعيشلي يومين
وافرح واشوف الفرح
من صغر سني وانا
عايش في وسط الجرح
دنيا مخصماني
ومع غيري تتبسم
جيا عليا انا
وعماله تتقسم
صبرا يا ملك الموت
بقلمي محمد صلاح
