يااا صرخه قدرنا
******************
يااا صرخه قدرنا والخوف اللى زارنا
يااا توب الخيانه والغدر و دمارنا
ضاع الصبر منا والضمير هجرنا
يااا نبض الحيارة وقلوب العذارى وعنينا وسمارنا
ياا خالفة المعانى بين مجنى وجانى ياطوق إحتضارنا
تاهت فينا روحنا بألمنا ودموعنا مش قابله إعتذارنا
يااا زمن المهازل والعيب والأماثل يانبع المهانه و زارع مررنا
يااا راسم عذابنا وحسابك غلبنا مش صابر علينا وبتهدم جدارنا
لو مستنى نشكى أو نحكى ونبكى ع اللى كان ظلمنا
صابرين ع اللى كان والحلم اللى هان ومدبل شجرنا
والأيام تفوت بين غدر وسكوت والباقى إنهيارنا
لو بإيدينا روحنا ولا توب جروحنا كان الموت قرارنا
محمد سالم
