مد أيدك ويا أيدى
الطريق لساه طويل
أطلق الأحلام غناوى
تلمس القلب العليل
بالمحبه أكيد حنقوى
ع الصعاب والمستحيل
خلى فرحك يبقى فرحى
وقت حزنك حتلاقينى
بكره عندك بعده عندى
تبقى ضلايتى وسندى
أبقى حصنك الحصين
رد باب الكره أحسن
الضلام لابد وراه
والعيون دي عيون ديابه
ضد عشاق الحياه
والفريسه شابه حلوه
عشقها ترانيم صلاه
كلمه تشرق بالمحبه
تبقى مصر الطيبه
بالحكاوى مغزولين
والعرق همة رجال
زادها مدد والصبر عون
والكتف قبل الكل شال
يبقى ليه الكره بيننا
فى أختلافنا ولا ديننا
وأنت عمرك جنب منى
خلى نور الحب يشرق
فجر راجع بالحياه
# مشيرة رجب
