** يانيل***
______________
يانيل حكايتك عجب
يافرع م الجنة
شمسك تبادلك دهب
بالطمى تتحنى
يابو الجمال آية
والخضرة فوق شطك
تداعبها نسماية
تميل تبوس خدك
ييجى القمر واقف
من شوقه على بابك
يمسى ضيه عليك
تغازله امواجك
ساحر ومالك زى
ما نﻻقى زيك زى
نبضك هيفضل حى
يسجل خطاوينا
يدور الزمن ويلف
خيرك ﻻعمره يخف
وﻻ عمر نبعه يجف
دايما مكفينا
جوفك تاريخ اجيال
شاهد على أصلك
وياما فيك اتقال
دي مصر من اصلك
يانيل انا منك
نبضك بيحيينى
حتى كمان حبك
سارى ف شرايينى
على ضفتك اسهر
بنسيمك اتعطر
وميتك سكر
ترياقها يشفينى
بقلمى \ هدى مشاق
