النهارده يبقى إيه ..؟
النهارده الشجره طرحت
والغصون مالت كمان
يابلدنا شدى حيلك
كل مادا الخير يبان
يابلدنا يلا قومى
الضحايا فرحانين
قالو لما بلدنا توقف
تانى احنا مبسوطين
ثوره كانت وفـ معادها
يا جناين كنت فين ..؟
كل خيرك كان نهيبه
واحنا كنا مظلومين
لما قومنا وقلنا يسقط
النظام والخائنين
ربنا قدر وموتنا
بس موتنا مرتاحين
** ** **
يابلدنا شدى حيلك
لسه فيكى ولاد حلال
عمرهم ما يبيعوا ارضك
مهما شافو اى مال
هما دول شباب بلدنا
مش شباب عز وجمال..!
** ** **
يابلدنا يلا بينا
نبنى مجدك اللى راح
غصب عنا سكتنا لكن
كل شىء لجلك مباح
روحنا ليكى نفتديكى بيها
ياست الملاح ..!
