قدها وقدود..للشاعره منال درويش

الحمل تقيل
بس انت تشيل ،
 والخير ح يجود
دا الكلمة سلاح
فِ القلب كفاح
 بيعدى حدود
والصمت دا ليه؟
 نسكت.. نداريه..
نستنى ردود ؟!!
و ما دام فِ الحق
 ح نسكت ، لأ .
 كفايانا وعود
لا كلام دباح
 ولا سن رماح
 ولا نبنى سدود
كفايانا سنين
 بنلت عجين
 من غير مردود
ولا عين تختار
 بين مية ونار
 وتداوى جحود
ولا شمس لبكرة
تنور فكرة
تبنيها. خلود
ح تفيض الكلمة سنابل قمح
 وتطرح بعد الضلمة وجود
وتداوي قلوب الصبر وترسم حرف ح يطرح قلبه وروود