( كفــــن دايــــب ) للشاعر اشرف الشناوى

ما بين حدوته و التانيه
ناس عاشت
وناس فانيه
يا مشطرنا نقول حواديت
و غوله بتاكل الفوله
و شاطر جاى بحصانه
و مش قادر ع لجامه
وست الحسن بتعيط
بقالها سنين و بتخيط
كفن دايب
تلملم شعرها الشايب
لبن رايب مكنشى حليب
ومين صدق
فى يو مالديب
و لو طالع
فى جمعى خطيب
ما بين حدوته و التانيه
لقيتنى غريب
غريب عن ارضى
عن اهلى
و حلم يا دوب على مهلى
يا نور واقف على بابى
و مستنى يخش الدار
و مين اقوى من التانى
يا نور يا نار
و لساكى كدا عايشه
و غصبن عنى حطيتك
برمش عيونى غطيتك
و كان قلبى كمان بيتك
وناديتك و صحيتك
تفوقى شويه من الغفله
و تتوضى عشان
الفرض و النافله
و نكسب مره بالقفله
لقيت صوتى ما هوش
واصل
و بين الكلمه و الكلمه
طرح فاصل
مابيم حدوته والتانبه
كتير حاصل
رفعت الرايه منديلى
بأيدى طفيت قناديلى
فى وسط الزحمه مين سامع
ومين فاهم مواويلى
و ضى الصبح بيشقشق
و عصفوره كمان زقزق
أمل طالع كدا بيدقدق
اكيد للحلم هنحقق
تغيب الشمس و تروح
و يجى الليل و يطوح
و تفضل غنوتى طارحه
والاقى الفجر 100 فرحه
و مهما الليل كدا طول
هنبدأ برضه من الاول
و نتعلم
ونتألم
نموت بالذل مانسلم
ما بين حدوته والتانيه
اكيد الاخرس
هيتكلم

المصدر: شعراء الجيل

Currently 0/5 Stars.
1 2 3 4 5

0 تصويتات / 76 مشاهدة

نشرت فى 4 أكتوبر 2011 بواسطة akhbar

احفظ

أقسام الموقع

شبكة ساقية دار السلام الإليكترونية

ابحث

عدد زيارات الموقع

58,935

الحلم الذى أصبح حقيقة

ساقية دار السلام ...

من فكرة بسيطة راودت رئيس نادى الأدب بدار السلام الشاعر حاتم السمان إلى حقيقة على أرض الواقع مهدت الطريق أمام إكتشاف أجيالا جديدة من المبدعين فى شتى المجالات وفى عام واحد فقط وبإمكانات أقل ما يقال عنها أنها ضعيفة أستطاعت أن تجذب إنتباه كل من سمع بها وأستطاعت أن تسرق كل قلوب متابعيها.. عشقها أعضاءها فبادلتهم عشقا بعشق وحبا بحب...