من ديوان: حلم شاعر
قصيدة أم الدنيا
مصر يابلدى يا أم الدنيا
انتِ النوراللى بيهدينـا
وانتِ أملنا ومستقبلنا
وانتِ حاضرناوكل ماضينا
وانتِ البسمة فـ حضن وشوشنا
نسمة ترفرف من حوالينا
لو لفينا العالم كله
صعب نلاقى وطن زييها
جل جلاله ذكرها المولى
وفـ قرآنه وصى عليها
فيها خزاين الأرض ونيلها
نهر الخير يروى أراضيها
واسألوا يوسف واسألوا موسى
عن خيراتها وعن مراعيها
لو فكرت فـ يوم أهجرها
ألقى نداها سبق خطاويها
على فين رايح بس ياولدى
ارجع تانى واطوف حواليها
وارسم صورة جميلة لبلدى
وابنى الهرم الرابع ليها
أزمة بسيطة وبكرة تعدى
والله ما ضاقت إلا وفرجت
عمر ما أزمة تأثر فيهــــا
بكرة الدنيا هـتضحك ليها
خلى أملنا فـ مستقبلها
بس الصبر شوية عليها
محمد الدليل

أعجبني