اسرار لاتريد كشفها هذه المستشفى الايطالية
مستشفي نضيفة وأجهزة على مستوى
مريض بقلب مستشفى ومش طايل الدوا
أدوات نضيفة وناس نضيفة بلبس نضيف
لكن قلوبهم مش نضيفة مليانة #جيف
*
*
*
#في_المستشفي
دكاترة وممرضين
وناس في انفاسها الاخيرة
بتنازع تعبانين
ولا حد سائل
حالات الموت في تزاحم
والدكاترة عاملين دكاترة
ولا فيهم راحم
معقدين المسائل
دكاترة بلا رحمة
والضماير تاهت في الزحمة
والعجيب اسمهم ملايكة الرحمة
ازاااااااي
ازاي والمريض ينازع يقول اااه
الممرض سامع وعامل مش سامع
من كتر حالات الوفاة
معاها توفت الرحمة
واتعمت الابصار عن الجفن الدامع
في البطن سكاكين بتقطع
وبيهم بعد ربنا تستنجد
يردوا بعفوجية
استنى دورك
وعلى سريرك
يلا روح اتمطع
ادوني مسكن ولا حاجة
تسكن سكاكين الالم
يقولوا مش محتاجة
وبكل سزاجة ورقة وقلم
اسمك وسنك ونبذه عن حياتك
سؤال بعد سؤال .تحقيق يتفتح
وردك يكون في سكاتك
مع الاسئلة والتحقيق اللي اتفتح
ينسوا التقطيع اللي في البطن والوجع
مش حاسين
برغم انك قدام عينيهم بتوجع
وتعبيرات الألم شايفين
حسبي الله عليهم
وع المهملين
ليكون بمثل ومستنيين
نهاية الفيلم عشان يسقفولي
ساعة ساعتين وتلاتة والوجع يضيف
ولا حد معبر وعبارات كدب يصبروني ويحلفولي
مستشفى نضيفة واجهزة على مستوى
مريض بقلب مستشفى ومش طايل الدوا
ادوات نضيفة وناس نضيفة بلبس نضيف
لكن قلوبهم مش نضيفة مليانة جيف
مستشفي مافيها حد يشفى
الجريح داخلها يصفى
والسليم يتحول لمصفى
معاملة جافة
معاملة ناشفة
وقلوب من جبس
عن انيابها كاشفة
مليانة خبس
هوّانا حصلي لبس
هي دي المستشفى ?
ولا دا الحبسسسسسسسس
#شاعربالغربة
#الدمياطيsg
