قصيدة القدس...شعر على محمد شحاته
أنا عربى والقدس بلادى
وحملت همومها أزمان
دايما سامع صوتها ينادى
حررنى من ظلم جبان
حررنى رجع امجادى
ليه عايش تايه متهان
قوم هتحقق كل مرادى
وانفض من فوقى أحزان
قلت يا ساكنه بجوه فؤادى
مش هقبل من تانى هوان
أفديكى بنفسى وأولادى
يا مسرى نبينا العدنان
وهحقق أحلام أجدادى
ونزورك دايما بأمان
وهصلى بصحبة أحفادى
وأجيلك فى كل أوان
وسلامى من بعد جهادى
ومنايا يرضى الرحمان
