ياقلب صبرك في الظروف الصعيبه
واللي يجيبه خالق الكون حـيــــــاه
أبقى على خـــط الأمل لاتســــــيبه
والجيد طيبه يعترف في محيـــــــاه
بعض البشر تلقى حــياته كئـــــــيبه
وقت المصيبه ينتسي حلو دنــــــياه
لو كان ملـــكه كالرمال الكثـــــــيبه
تسمع نحيبه وقت ضيقه و بلـــــواه
دنيا الفناء ماهي تساوي زبـــــــيبه
كلن نصيبه هو مقـــــــدر من اللــه
من يلتزم بالصــبر ربي حســـــــيبه
يجعل ثـــوابه جنة الخلد مئـــــــواه
