مخنوق
من دنيا فانيه
مافيهاش غير الألم
لما تروق وتحلى
تلاقيها قلبت عتم
لا مال وصحة باقية
ولا ضحكة فرح ونغم
والكل حب سبحة
لعبة فى إيد الزمن
فيها ناس تقول يا صحة
وناس تهز الجبل
وناس عايشنها نزوة
وأخرها جلطة وشلل
والبيه قال ايه كسبها
وبياخد الثمن
ومسكين غطاه ترابها
بيقول حلمه إكتمل
والكل يا ناس فى لحظة
مخلوق فى شبر اتدفن
مسعود اللى حسبها
وحسن فيها العمل
وتعيس اللى شربها
وساء فيها الهبل
يا رب احسن ختامها
بصالح العمل
........................ وائل سعيد..................
