........................................ عصر الجهالة ............
قالوا ح نحس بالرخاء والترف
والعكس الناس بتلتهم الزباله
الصراحه حياتنا بقت قرف
من الكدب والنفاق والسفاله
أعراض نايمة في الشوارع
علي كل جنس وكل حالة
الصورة بتقول أصل الواقع
لا بتتجمل ولا تعرف النداله
بتبث الحقيقه من كل المواقع
والغلابه حياتهم مش كماله
طول عمرهم حقهم ضايع
وعايشين في عصر الجهاله
راضيين بالقليل بقيمة القواقع
وياريتهم مقبولين ف أي حالة
عناوين رنانه أساسها واقع
ما بتتحقش وخدينها إشتغاله
تلهي العقول سنين من المواجع
والأمال من أعمالهم إستحاله
ح شوف مكان انام ف الشارع
ولا اعيش علي الأعيان عاله
خلاص بقي جوايا الهم فاقع
وبخط إيدي ح قدم إستقالة
......................................................
........... الشاعر حسن الشوان ..............
